ချန်ပီယံလိဂ်သွင်းဂိုးအများဆုံးဆု ရရှိတဲ့အပေါ် ဂုဏ်ယူကျေနပ်မိကြောင်း ပေါ်တူဂီတိုက်စစ်မှူး စီရော်နယ်ဒိုက ပြောသွားပါတယ်။
အယ်လ်နာဆာတိုက်စစ်မှူးဟာ ချန်ပီယံလိဂ်သမိုင်းတလျှောက် သွင်းဂိုး ၁၄၀ နဲ့ ဂိုးသွင်းအများဆုံးကစားသမားအဖြစ် စံချိန်မှတ်တမ်းစိုက်ထူးထားတာပါ။
မနေ့ညက ကျင်းပခဲ့တဲ့ ချန်ပီယံလိဂ်မဲခွဲပွဲမှာတော့ စီရော်နယ်ဒိုကို သမိုင်းတလျှောက် သွင်းဂိုးအများဆုံးဆု တံဆိပ်ချီးမြှင့်ခဲ့တာပါ။
ချန်ပီယံလိဂ်ပြိုင်ပွဲက အကောင်းဆုံးဘောလုံးပြိုင်ပွဲဖြစ်တာကြောင့် တန်ဖိုးကြီးမားပြီး သွင်းဂိုးအများဆုံးဆုဟာလည်း အဓိပ္ပါယ်အများကြီးရှိကြောင်း၊ မန်ယူနိုက်တက် အသင်းနဲ့အတူ ပထမဆုံးအကြိမ် ချန်ပီယံလိဂ်ဆုဖလားရရှိခဲ့တာကို အမှတ်တရဖြစ်မိကြောင်း စီရော် နယ်ဒိုကပြောပါတယ်။
ပေါ်တူဂီတိုက်စစ်မှူးဟာ မန်ယူအသင်းနဲ့အတူ ပထမဆုံးအကြိမ် ချန်ပီယံလိဂ်ဆုဖလားရရှိခဲ့ပြီး ရီးရဲလ်မက်ဒရစ်မှာ နောက်ထပ်ဆုဖလား ၄ ကြိမ် ရရှိခဲ့သူဖြစ်ပါတယ်။
Photo-Reuters
