အနားမယူခင် စွမ်းဆောင်ပြချင်သည့်အရာကို စီရော်နယ်ဒို ထုတ်ဖော်ပြောဆို
DVB
·
August 29, 2024
ကစားသမားဘဝကနေ အနားယူမခင်မှာ စွမ်းဆောင်ပြချင်တဲ့အရာကို တိုက်စစ်မှူးစီရော်နယ်ဒိုက ပြောသွားပါတယ်။
ရော်နယ်ဒိုဟာ အယ်လ်နာဆာအသင်းမှာ သွင်းဂိုးတွေ ရရှိနေပေမဲ့ နောက်ထပ်စံချိန် မှတ်တမ်းဝင် သွင်းဂိုးတွေ ရရှိဖို့ ဆန္ဒရှိနေတာပါ။
ကွင်းထဲမှာ ဘာမှစွမ်းဆောင် မပြနိုင်ဘူးလို့ ခံစားမိတဲ့တနေ့မှာ အနားယူသွားမှာဖြစ်ပေမဲ့ လက်ရှိ အချိန်မှာတော့ အဲဒီလို အခြေအနေရောက်ဖို့ အလွန်ဝေးကွာနေဆဲဖြစ်ကြောင်း စီရော်နယ်ဒိုက ပြောပါတယ်။
အနားမယူခင်မှာ ကစားသမားဘဝတလျှောက် သွင်းဂိုးအရေအတွက် ၉၀၀ ပြည့်မြောက်ဖို့ လုပ်ဆောင်မှာဖြစ်ပြီး အဲဒီနောက်မှာတော့ သွင်းဂိုး ၁၀၀၀ အထိပြည့်မြောက်ဖို့ ဆန္ဒရှိကြောင်း စီရော်နယ်ဒိုက ပြောပါတယ်။
စီရော်နယ်ဒိုဟာ ဘယ်အချိန်မှာ အနားယူမလဲဆိုတာ မသိရှိသေးပေမဲ့ ဆော်ဒီကလပ် အယ်လ်နာဆာမှာပဲ ကစားသမားဘဝကုန်ဆုံးချင်ကြောင်း ပြောကြားထားပါတယ်။
Photo-Reuters
