မလေးရှား နိုင်ငံပိုင်လေကြောင်းလိုင်းမှာ ကြုံတွေ့နေရတဲ့ နည်းပညာပိုင်းဆိုင်ရာ ပြဿနာတွေကို စုံစမ်းစစ်ဆေးပြီးတဲ့နောက် မလေးရှား အရပ်ဘက်လေကြောင်း စည်းကမ်းထိန်းသိမ်းရေးအဖွဲ့က မလေးရှား လေကြောင်းလိုင်းရဲ့ လေကြောင်းလုပ်ငန်း လုပ်ခွင့်လက်မှတ် သက်တမ်းကို ၃ နှစ်ကနေ ၁ နှစ်ထိ  လျှော့ချ ဖြတ်တောက်လိုက်တယ်လို့ သယ်ယူပို့ဆောင်ရေးဝန်ကြီးက သြဂုတ် ၂၈ ရက်မှာ ပြောပါတယ်။

အခုလအစောပိုင်းမှာ ဝန်ဆောင်မှု အနှောင့်အယှက် ဖြစ်ခဲ့ပြီးတဲ့နောက် လေကြောင်းလိုင်းတွေတလွှား ပျံသန်းမှုခရီးစဉ်နဲ့  လမ်းကြောင်းတွေကို အခုနှစ် ဒီဇင်ဘာလအထိ ယာယီလျှော့ချထားဖို့ စီစဉ်နေတယ်လို့ လေကြောင်းလိုင်းရဲ့ မိခင်လုပ်ငန်းဖြစ်တဲ့ မလေးရှား လေယာဉ်ထုတ်လုပ်ရေးအုပ်စု (MAG) က သြဂုတ် ၂၄ ရက် မှာ ပြောပါတယ်။ 

မလေးရှားမြို့ပြ လေကြောင်းအာဏာပိုင်အဖွဲ့ရဲ့ စုံစမ်းစစ်ဆေးမှုအပြီးမှာ မလေးရှား လေကြောင်းလိုင်းဟာ ပြင်းထန်တဲ့ အလုပ်သမားစုဆောင်းရေးအစီအစဉ်၊ ဘေးကင်းရေးနဲ့ ပြုပြင်ထိန်းသိမ်းမှုအပေါ် ပိုမိုအာရုံစိုက်ရမယ့် လျော့ပါးသက်သာရေး အစီအစဉ်တွေကို ပြင်ဆင်ထားတယ်လို့လည်း သယ်ယူပို့ဆောင်ရေးဝန်ကြီး အန်ထော်နီ လို့ခ်က ပြောခဲ့ပါတယ်။

မလေးရှားလေကြောင်းလိုင်းဟာ ၂၀၁၄မှာ ပြင်းထန်တဲ့ လေကြောင်းဘေးအန္တရာယ် နှစ်ခုကြောင့် လွန်ခဲ့တဲ့ ဆယ်စုနှစ်တွေအတွင်း ရုန်းကန်ခဲ့ရပါတယ်။ အဲဒီနှစ်မှာပဲ မလေးရှားလေကြောင်းလိုင်း စနစ် (MAS) ကို (MAG) အဖြစ် အချုပ်အခြာဓနရန်ပုံငွေ ခါဇန်နာ နာစင်နယ်ရဲ့ လက်အောက်ကနေ ပြန်လည်ဖွဲ့စည်းခဲ့ရပါတယ်။ 

Source-Reuters