မယ်ရီနိုဟာ အသင်းဆီကို အတွေ့အကြုံကောင်းယူလာပေးမည်ဟု အာတီတာ ချီးကျူး
DVB
·
August 28, 2024
စပိန်ကွင်းလယ်လူ မယ်ရီနိုဟာ အသင်းဆီကို ထိပ်တန်းစွမ်းဆောင်ရည်အပါအဝင် အတွေ့အကြုံ ကောင်းတွေ ယူဆောင်ပေးလိမ့်မယ်လို့ နည်းပြအာတီတာက ချီးကျူးပါတယ်။
အသက်၂၈ နှစ်ရှိ ကွင်းလယ်ကစားသမား မယ်ရီနိုဟာ ဆိုစီဒက်အသင်းကနေ ပေါင် ၃၃ သန်းနဲ့ ပြောင်းရွှေ့ လာတာဖြစ်ပြီး အာဆင်နယ်က ၄ နှစ်စာချုပ်ချုပ်ဆိုခဲ့ပါတယ်။
မယ်ရီနိုဟာ အတွေ့အကြုံ ကောင်းတွေရှိတဲ့ ထိပ်တန်းအဆင့်ကစားသမားဖြစ်သလို ကွင်းလယ် နေရာစုံမှာလည်း ကစားနိုင်စွမ်းရှိပြီး သူ့ရဲ့ နည်းစနစ်ပိုင်းဆိုင်ရာ သိမြင်နိုင်မှုတွေကလည်း အသင်းကို ပိုမိုတောင့်တင်းစေလိမ့်မယ်လို့ နည်းပြ အာတီတာက ပြောပါတယ်။
မယ်ရီနိုကတော့ အာဆင်နယ်အသင်းသားတိုင်းက ကြိုဆိုပေးကြတဲ့အပေါ် ဝမ်းမြောက်မိပြီး အသင်းရဲ့စွမ်းဆောင်ရည်ကောင်းကို ဆက်ထိန်းနိုင်ဖို့ ကူညီပေးသွားမယ်လို့ စာချုပ်ချုပ်ဆိုအပြီးမှာ ပြောပါတယ်။
Photo-Reuters
