စပိန်ကွင်းလယ်လူ မယ်ရီနိုကို ပေါင် ၃၃ သန်းဖြင့် ခေါ်ယူရန် အာဆင်နယ်သဘောတူ
DVB
·
August 23, 2024
အာဆင်နယ်အသင်းဟာ ဆိုစီဒက်အသင်းက စပိန်ကွင်းလယ်ကစားသမား မီခေးလ်မယ်ရီနိုကို ပေါင် ၃၃ သန်းနဲ့ အပြီးသတ်ခေါ်ယူဖို့ သဘောတူညီမှု ရရှိသွားပါတယ်။
ကနဦးပြောင်းရွှေ့ကြေးအဖြစ် ပေါင် ၂၈ ဒသမ ၄၃ သန်း ပေးချေရမှာဖြစ်ပြီး စွမ်းဆောင်ရည်အပေါ် မူတည်ပြီး ပေါင် ၄ ဒသမ ၂၄ သန်း ထပ်ဆောင်း ပေးချေသွားရမှာပါ။
အသက် ၂၈ နှစ်ရှိ စပိန်လက်ရွေးစင်ကစားသမားကို အာဆင်နယ်အသင်းက ၄ နှစ်စာချုပ် ချုပ်ဆိုမှာဖြစ်ပြီး ကစားသမားနဲ့လည်း ပုဂ္ဂိုလ်ရေးဆိုင်ရာ သဘောတူညီချက်တွေ ရရှိပြီးသား ဖြစ်ပါတယ်။
စပိန်လက်ရွေးစင်အသင်းမှာ ၂၈ ပွဲ ကစားပေးထားတဲ့ ကွင်းလယ်လူ မယ်ရီနိုဟာ ၂၀၁၇-၂၀၁၈ ရာသီက နယူးကာဆယ်အသင်းမှာ ကစားခဲ့ဖူးပါတယ်။
အဲဒီနောက် ဆိုစီဒက်အသင်းဆီ ပြောင်းရွှေ့ခဲ့ပြီး ၆ နှစ်အတွင်းမှာ ပွဲပေါင်း ၂၅၀ လောက် ကစားပေးခဲ့ပါတယ်။
