ဂျပန်ကာကွယ်ရေးဝန်ကြီးဟောင်း ရှီဂဲရိုအီရှီဘ က လစ်ဘရယ်ဒီမိုကရက်တစ်ပါတီ ခေါင်းဆောင်ရွေးပွဲမှာ ဝင်ပြိုင်မယ်လို့ ဆိုပါတယ်။
ပါတီခေါင်းဆောင် ရွေးကောက်ပွဲကို စက်တင်ဘာ ၂၇ ရက်မှာ ပြုလုပ်မှာဖြစ်ပြီး လက်ရှိ ဝန်ကြီးချုပ် ကီရှီဒါရဲ့ နေရာမှာ ဆက်ခံရမှာ ဖြစ်ပါတယ်။
၂၀၂၁ ခုနှစ်ကတည်းက ဝန်ကြီးချုပ်တာဝန် ထမ်းဆောင်ခဲ့တဲ့ ကီရှီဒါဟာ စက်တင်ဘာလမှာ ၃ နှစ်သက်တမ်း ကုန်ဆုံးမှာဖြစ်ကာ စက်တင်ဘာလမှာ ရာထူးကနေ ဆင်းပေးရမှာဖြစ်ပါတယ်။
ကီရှီဒါဟာ ပါတီခေါင်းဆောင် ရွေးချယ်ပွဲကို ဝင်ပြိုင်မှာမဟုတ်ကြောင်း ဩဂုတ် ၁၄ ရက်က ကြေညာထားတာလည်း ဖြစ်ပါတယ်။
ရှီဂဲရိုအီရှီဘဟာ ၂၀၀၈ ၊ ၂၀၁၂ ၊ ၂၀၁၈ နဲ့ ၂၀၂၀ ခုနှစ်တို့တွင် ပါတီခေါင်းဆောင်ရာထူးအတွက် ယှဉ်ပြိုင်ခဲ့ဖူးပြီး အနိုင်ရဖို့ ရုန်းကန်ခဲ့ရတာ ဖြစ်ပါတယ်။
ဒါဟာ အီရှီဘအတွက် ၁၉၈၆ ခုနှစ်က အောက်လွှတ်တော်မှာ ရွေးခံရပြီးနောက်ပိုင်း ၅ ကြိမ်မြောက် ကြိုးစားမှုလည်း ဖြစ်ပါတယ်။
ဒါ့အပြင် ပါတီခေါင်းဆောင်ရာထူးအတွက် သူ့အတွက် နောက်ဆုံး အကြိမ်ကြိုးစားမှုလည်း ဖြစ်လာနိုင်ဖွယ်ရှိပါတယ်။
အီရှီဘဟာ ရိုက်တာနဲ့ပြုလုပ်ခဲ့တဲ့ အင်တာဗျူးတခုမှာ ဂျပန်နိုင်ငံရှိ ဘဏ်တွေရဲ့ အတိုးနှုန်းတိုးပေးမှုကို ထောက်ခံကြောင်း ပြောဆိုခဲ့ပါတယ်။ သူက ငွေကြေးပေါ်လစီကို ပုံမှန်ထက် လျှော့ပေးခြင်းက ဈေးနှုန်းကျဆင်းကြောင်းနဲ့ စက်ရုံတွေရဲ့ ပြိုင်ဆိုင်မှုကို တိုးတက်စေတယ်လို့ ဆိုပါတယ်။
Source-Reuters
