အာဆင်နယ်တောင်ပံကစားသမား ဘူကာရိုဆာကာရဲ့ စွမ်းဆောင်ရည်ကို နည်းပြအာတေတာက မက်ဆီနဲ့ နှိုင်းယှဉ်ချီးကျူးသွားပါတယ်။
ဆာကာဟာ ဝုဗ်အသင်းကို ၂ ဂိုး ဂိုးမရှိနဲ့ အနိုင်ရတဲ့ပွဲစဉ်မှာ ကိုင်ဟာဗက်ဇ်ရဲ့ ဦးဆောင်ဂိုးအတွက် ဂိုးဖန်တီးပေးခဲ့သလို ကိုယ်တိုင်လည်း တဂိုး ကန်သွင်းယူနိုင်ခဲ့တာပါ။
ဆာကာဟာ အသင်းအတွက် ဒုတိယဂိုးသွင်းယူရာမှာ သူ သွင်းနေကျအတိုင်း ဘယ်ခြမ်းကနေ ပြိုင်ဘက်ဂိုးဧရိယာထိပ်ဆွဲယူပြီး အပြင်းကန်သွင်းခဲ့တာပါ။
အဲဒီလိုသွင်းယူမယ်ဆိုတာ ပြိုင်ဘက်တွေက သိရှိထားပေမဲ့ ကောင်းမွန်တဲ့ ကစားသမားတွေကိုတော့ သိသိနဲ့ ရပ်တန့်နိုင်ခြင်းမရှိကြောင်း အာတေတာက ပြောပါတယ်။
လီယွန်နယ်မက်ဆီဟာလည်း ဒီနေရာကိုလာပြီး ဒီလိုဂိုးသွင်းမယ်ဆိုတာ သိထားကြပေမဲ့ ရပ်တန့်နိုင်ခြင်းမရှိဘဲ အချိန်တိုင်း ဂိုးသွင်းနေတာဟာ ကောင်းမွန်တဲ့ ကစားသမားတွေရဲ့ အရည်အသွေးကြောင့် ဖြစ်တယ်လို့ နည်းပြအာတေတာ ပြောသွားပါတယ်။
Photo-Reuters
