စစ်ခေါင်းဆောင်က သူရဲ့လူယုံ ၃ ဦးဖြစ်တဲ့ ဒုတိယဗိုလ်ချုပ်ကြီးရဲဝင်းဦး၊ ဒုတိယဗိုလ်ချုပ်ကြီးအောင်လင်းဒွေးနဲ့ ဒုတိယဗိုလ်ချုပ်ကြီးညိုစောတို့ကို ဗိုလ်ချုပ်ကြီး ရာထူး တိုးမြှင့်ပေးလိုက် ပါတယ်။

စစ်ကောင်စီ အတွင်းရေးမှူး ဒုဗိုလ်ချုပ်ကြီးအောင်လင်းဒွေး၊ တွဲဖက်အတွင်းရေးမှူး ဒုဗိုလ်ချုပ်ကြီး ရဲဝင်းဦးနဲ့ စစ်ကောင်စီအကြံပေး MEC ဥက္ကဋ္ဌ ဒုဗိုလ်ချုပ်ကြီးညိုစောတို့ကို သြဂုတ် ၁၅ ရက်က ဗိုလ်ချုပ်ကြီးရာ ထူးတိုးပေးလိုက်တာ ဖြစ်ပါတယ်။

တရုတ်နိုင်ငံခြားရေးဝန်ကြီးနဲ့စစ်ခေါင်းဆောင်တို့ တွေ့ဆုံပြီးနောက်  ဒုတိယဗိုလ်ချုပ်ကြီး ၃ ဦးကို ရာထူးတိုးပေးခဲ့တာဖြစ်ပြီး လက်တလော ဘယ်နေရာမှာ တာဝန်ပေးမယ်ဆိုတာမသိရဘူးလို့ ကက(ကြည်း)ရုံးနဲ့ နီးစပ်သူတဦးက DVB ကို ပြောပါတယ်။

"ရာထူးတိုးပေးတဲ့ ၃ ယောက်ထဲမှာ ဒုတိယဗိုလ်ချုပ်ကြီး အောင်လင်းဒွေးက ဗိုလ်ချုပ်ကြီးမြထွန်းဦး၊ ဗိုလ်ချုပ်ကြီးမောင်မောင်အေးတို့နဲ့ အပတ်စဥ် အတူတူပဲ လတ်တလော ဘယ်နေရာတာဝန်ပေးမယ်ဆိုတာမသိရသေးဘူး။ ဦးသန်းရွှေလက်ထက်ကလို ကြည်းရေလေ ညှိကွပ်ရာထူးမျိုးထွင် ပြီးပေးမလားတော့ မသိဘူး။”

ရာထူးတိုးပေးခဲ့သူ ၃ ဦးထဲမှာ ဒုတိယဗိုလ်ချုပ်ကြီးအောင်လင်းဒွေးက DSA အပတ်စဉ် (၂၅) ၊ ဒုတိယဗိုလ်ချုပ်ကြီးရဲဝင်းဦးက  (OTS)အပတ်စဉ် ၇၇ နဲ့ ဒုဗိုလ်ချုပ်ကြီးညိုစောက DSA အပတ်စဉ် ၂၃ ဆင်း ဖြစ်ပါတယ်။

ဒု-ဗိုလ်ချုပ်ကြီးအောင်လင်းဒွေးမှာ စစ်ကောင်စီရုံးရဲ့ အတွင်းရေးမှူးဖြစ်ပြီး ဒု-ဗိုလ်ချုပ်ကြီးရဲဝင်းဦးမှာ တွဲဖက်အတွင်းရေးမှူးတာဝန်နဲ့ စစ်ဘက်ဆိုင်ရာ လုံခြုံရေးအရာရှိချုပ် တာဝန်ကိုလည်းယူထားပါတယ်။

ဒု-ဗိုလ်ချုပ်ကြီးညိုစောကတော့ စစ်ခေါင်းဆောင်အကြံပေး၊ စစ်ကောင်စီအဖွဲ့ဝင်၊ မြန်မာ့စီးပွားရေးကော်ပိုရေးရှင်း (MEC) ဥက္ကဋ္ဌစတဲ့တာဝန်တွေကို ယူထားပါတယ်။