မန်ယူနောက်ခံလူ ဝမ်ဘစ်ဆာကာ ဝက်စ်ဟမ်းအသင်းဆီ ပေါင် ၁၅ သန်းဖြင့် ပြောင်းရွှေ့
DVB
·
August 13, 2024
မန်ယူနောက်ခံလူ ဝမ်ဘစ်ဆာကာဟာ ဝက်စ်ဟမ်းအသင်းဆီ ပေါင် ၁၅ သန်းနဲ့ အပြီးသတ် ပြောင်းရွှေ့သွားပါတယ်။
အသက် ၂၆ နှစ်ရှိ အင်္ဂလန် ညာနောက်ခံလူဟာ ပြီးခဲ့တဲ့ရက်ပိုင်းက ဝက်စ်ဟမ်းအသင်းနဲ့ ဆေးစစ်မှု အောင်မြင်ခဲ့ပြီး မကြာခင်မှာ တရားဝင်သတင်းထုတ်ပြန်သွားဖို့ ရှိပါတယ်။
သူ့ကို နည်းပြ အိုလေဂမ်နာဆိုးလ်ရှား လက်ထက်က ခရစ္စတယ်ပဲလေ့ကနေ ပေါင်သန်း ၅၀ နဲ့ ဝယ်ယူခဲ့တာပါ။
အသင်းနဲ့ ၅ နှစ်ကြာ ကစားခဲ့ရာမှာ ပွဲပေါင်း ၁၆၀ ကျော်ကစားပေးခဲ့ပါတယ်။ ဝက်စ်ဟမ်းအသင်းဟာ ရာသီသစ်အတွက် ပြင်ဆင်မှုတွေ များစွာပြုလုပ်နေတဲ့အသင်း ဖြစ်ပြီး ဝမ်ဘစ်ဆာကာက ၇ ယောက်မြောက် ကစားသမားခေါ်မှု ဖြစ်ခဲ့ပါတယ်။
