အင်္ဂလန်အသင်းကို ယူ-၂၁ နည်းပြ ကာစ်လေက ယာယီနည်းပြအဖြစ် တာဝန်ယူမည်
DVB
·
August 8, 2024
အင်္ဂလန်လက်ရွေးစင်အသင်းကို ယူ-၂၁ နည်းပြ လီကာစ်လေက ယာယီနည်းပြအဖြစ် တာဝန်ယူ သွားမယ်လို့သိရပါတယ်။
အင်္ဂလန်လက်ရွေးစင်အသင်းဟာ ပြီးခဲ့တဲ့ ယူရို ၂၀၂၄ ဗိုလ်လုပွဲမှာ စပိန်ကိုရှုံးနိမ့်ခဲ့ပြီးနောက် နည်းပြဆောက်ဂိတ်က ရာထူးကနေ နုတ်ထွက်ခဲ့တာပါ။
နည်းပြသစ်တစ်ဦး ခန့်အပ်ဖို့ ရှိပေမဲ့ လာမယ့်လပိုင်းမှာကစားဖို့ရှိတဲ့ နေးရှင်းလိဂ်ပွဲစဉ်တွေမှာတော့ ယူ-၂၁ နည်းပြ လီကာစ်လေက ယာယီနည်းပြအဖြစ် တာဝန်ယူသွားဖို့ ရှိပါတယ်။
အသက် ၅၀ ရှိ နည်းပြ လီကာစ်လေဟာ အင်္ဂလန် ယူ-၂၁ အသင်းကို ယူရိုချန်ပီယံဖြစ်အောင် စွမ်းဆောင်နိုင်ခဲ့ပြီး အက်ဖ်အေရဲ့ ချီးကျူးမှု ရရှိထားတာပါ။
ကာစ်လေဟာ ကစားသမားဘဝက ဒါဘီနဲ့ အဲဗာတန်အသင်းတွေ အပါအဝင် ကလပ်အသင်းတွေမှာ ၁၇ နှစ်ကြာ ကစားခဲ့သူ ဖြစ်ပါတယ်။
Photo-Reuters
