အင်္ဂလန်နည်းပြရာထူးကိစ္စ မသိရှိဟု နည်းပြဂွါဒီယိုလာ ပြန်လည်တုံ့ပြန်
DVB
·
August 5, 2024
အင်္ဂလန်အသင်းနည်းပြရာထူးနဲ့ ပတ်သက်ပြီး မသိရှိဘူးလို့ မန်စီးတီးနည်းပြ ဂွါဒီယိုလာက ပြန်လည်တုံ့ပြန်သွားပါတယ်။
အင်္ဂလန်အသင်းဟာ နည်းပြဆောက်ဂိတ်နဲ့ လမ်းခွဲခဲ့ပြီးနောက် နည်းပြသစ်တဦး ခန့်အပ်ဖို့ ရှာဖွေနေပြီး မန်စီးတီးနည်းပြ ဂွါဒီယိုလာက ထိပ်ဆုံးကနေ ရေပန်းစားနေတာပါ။
ရာသီကြိုခရီးစဉ်မှာ အင်္ဂလန်နည်းပြရာထူးနဲ့ပတ်သက်ပြီး နည်းပြဂွါဒီယိုလာက ပြန်လည်ဖြေကြားရာမှာတော့ မန်စီးတီးအသင်းမှာ အဆင်ပြေနေကြောင်း ဆိုပါတယ်။
အင်္ဂလန်အသင်းနဲ့ အပြောင်းအရွှေ့ကိစ္စ ဘယ်ကနေ ဘယ်လိုထွက်ပေါ်လာသလဲဆိုတာ မသိရှိကြောင်းနဲ့ စီးတီးမှာ အဆင်ပြေနေပြီး ရာသီသစ်အတွက် ပြင်ဆင်မှုတွေလုပ်ဆောင်ဖို့ အာရုံစိုက်ထားကြောင်း ဂွါဒီယိုလာက ပြောသွားပါတယ်။
