ဖိလစ်ပိုင်အစိုးရဟာ သူ့နိုင်ငံထဲမှာ အမေရိကန်ရဲ့ တာလတ်ပစ်ဒုံးကျည်တွေ ဖြန့်ကျက် တပ်ချဖို့ ခွင့်ပြုခြင်းအားဖြင့် အမေရိကန်ရဲ့ သမိုင်းဘီးကို နောက်ကြောင်းပြန်လှည့်နေတယ်လို့ တရုတ်နိုင်ငံခြားရေးဌာန ပြောရေးဆိုခွင့်ရှိသူ လင်ကျန်းက တရုတ်မြို့တော် ပေကျင်းမှာလုပ်တဲ့ ပုံမှန်သတင်းစာရှင်းလင်းပွဲအတွင်း ပြောခဲ့ပါတယ်။

ဒီကိစ္စနဲ့ပတ်သက်ပြီး ဖိလစ်ပိုင် နိုင်ငံခြားရေးဝန်ကြီး အန်ဒရစ်ကယ် မာနာလိုရဲ့ ပြောကြားချက်ကို တုံ့ပြန်တဲ့အနေနဲ့ လင်က အင်္ဂါနေ့မှာ ကြေညာချက် ထုတ်ပြန်ခဲ့တာပါ။

“ဖိလစ်ပိုင်မှာ အမေရိကန်က တာလတ်ပစ်ဒုံးကျည်တွေ ဖြန့်ကျက်ချထားရေးနဲ့ ပတ်သက်ပြီး တရုတ်က သူ့ရဲ့ လေးနက်တဲ့ ရပ်တည်ချက်ကို ထပ်ခါတလဲလဲ ပြောကြားခဲ့ပါတယ်။ ဒေသတွင်း တင်းမာမှုတွေနဲ့ ထိပ်တိုက်ရင်ဆိုင်မှုတွေကို လှုံ့ဆော်ဖို့၊ ပထဝီနိုင်ငံရေးအရ ထိပ်တိုက်ရင်ဆိုင်မှုတွေနဲ့ လက်နက်ပြိုင်ဆိုင်မှုကို လှုံ့ဆော်ဖို့ ဒေသတွင်းမှာ ဖိလစ်ပိုင်က သမိုင်းဘီးကို နောက်ကြောင်းပြန်လှည့်နေတယ်” လို့လည်း လင်က ပြောပါတယ်။

“တာလတ်ပစ်ဒုံးကျည်တွေ၊ ထိပ်တိုက်ရင်ဆိုင်မှုတွေ မဟုတ်ဘဲ ဒေသတွင်း ငြိမ်းချမ်းရေးနဲ့ သာယာဝပြောရေးကို လိုအပ်တယ်၊ ဒေသတွင်းနိုင်ငံတွေရဲ့ အသံကို နားထောင်ရင်ဆိုင်ဖို့ သက်ဆိုင်ရာနိုင်ငံတွေကို ကျနော်တို့ တိုက်တွန်းထားတယ်။ ဒေသတွင်းနိုင်ငံတွေက သူတို့ရဲ့အမှားတွေကို တတ်နိုင်သမျှ အမြန်ဆုံးပြင်ပေးပြီး အစောပိုင်းမှာ ကတိပေးထားတဲ့အတိုင်း တာလတ်ပစ် ဒုံးကျည်စနစ်ကို ရုတ်သိမ်းဖို့၊ မှားယွင်းတဲ့ လမ်းကြောင်းကို ထပ်မသွားဖို့ ရပ်တန့်ဖို့ တိုက်တွန်းတယ်” လို့ လင်က ပုံမှန်သတင်းစာရှင်းလင်းပွဲမှာ ပြောခဲ့ပါတယ်။

Source-Reuters