ရုရှားရေတပ်ဟာ အာတိတ်နဲ့ ပစိဖိတ်သမုဒ္ဒရာတွေအပြင် ဘောလ်တစ်နဲ့ ကက်စပီယံပင်လယ်တို့မှာပါ ရေတပ်သင်္ဘောအများစုပါတဲ့ လေ့ကျင့်ရေးအစီအစဉ်ကို စတင်ခဲ့တယ်လို့ ကာကွယ်ရေးဝန်ကြီးဌာနက ဇူလိုင် ၃၀ ရက်မှာ ပြောလိုက်ပါတယ်။
ရုရှားဟာ အမေရိကန်နဲ့ တရုတ်တို့ပြီးရင် ကမ္ဘာ့တတိယ အင်အားအကြီးဆုံး ရေတပ် ရှိတယ်လို့ စစ်ရေးလေ့လာသူ အများစုက ယူဆကြပြီး ရုရှားမှာ သိသာထင်ရှားတဲ့ ပဲ့ထိန်းဒုံးကျည် တပ်ဆင်ထားတဲ့ နျူးကလီးယားစွမ်းအင်သုံး ရေငုပ်သင်္ဘောအုပ်စု ရှိထားပါတယ်။
စစ်သည်အင်အား ၂၀,၀၀၀ နဲ့ သင်္ဘော ၃၀၀ ပါတဲ့ ရုရှားစစ်ရေးလေ့ကျင့်မှုမှာ ရေတပ်ရဲ့ အဆင့်အားလုံးမှာ အဆင်သင့်ဖြစ်မှုနဲ့ စွမ်းဆောင်ရည်တို့ကို စမ်းသပ်မယ်လို့လည်း ဝန်ကြီးဌာနက ပြောခဲ့ပါတယ်။
ဒီစစ်ရေးလေ့ကျင့်မှုမှာ လေယာဉ်ပစ်ဒုံးကျည်တွေ၊ အမြောက်တွေ၊ ရေငုပ်သင်္ဘော တိုက်ဖျက်ရေး လက်နက်တွေနဲ့အတူ ခံစစ်ရော တိုက်စစ်ပါ လေ့ကျင့်ခန်း ၃၀၀ ကျော် ပါမယ်လို့လည်း ရုရှားရေတပ်က ပြောပါတယ်။
ရေငုပ်သင်္ဘောတွေ၊ ရေငုပ်သင်္ဘောတွေနဲ့ ထောက်ပံ့ရေးရေယာဉ် ၃၀၀ လောက်၊ လေယာဉ်အစီးရေ ၅၀ လောက်၊ စစ်ဘက်နဲ့ အထူးစက်ကိရိယာ ၂၀၀ ကျော်တို့လည်း တိုက်ခိုက်ရေး လေ့ကျင့်ရာမှာ ပါမယ်လို့ ဝန်ကြီးဌာနက ပြောကြားခဲ့ပါတယ်။
Source-Reuters
