ရန်ကုန်၊ ရွှေပြည်သာမြို့နယ်၊ ဝါးတရာစက်မှုဇုန်၊ ငမိုးရိပ်လမ်းက မွမွလေးအကြော်စက်ရုံမှာ ဇူလိုင် ၃၀ ရက် မနက် ၇ နာရီလောက်က မီးလောင်မှုဖြစ်ပွါးခဲ့တယ်လို့ မြန်မာမီးသတ်ဌာချုပ်က ထုတ်ပြန်ပါတယ်။
မီးလောင်မှုဟာ စက်ရုံအကြော်ခန်းကနေ စတင်တာဖြစ်ပြီး မီးဖို၊ ကုန်ကြမ်းတင်စင်တွေ၊ ဘေးအမိုးနံရံတွေ ကူးစက်လောင်ကျွမ်းခဲ့ကာ အခန်းတခုလုံး ပျက်စီးသွားပါတယ်။
မြို့ခံကယ်ဆယ်ရေးအဖွဲ့ဝင်တဦးက “ ဝါးတရာဘက်က မွမွလေး အကြော်စုံဝင်းထဲမှာ လောင်တာ။ ပဲကြော် ကြော်ရင်းနဲ့ မီးဟပ်ပြီး အပေါ်တွေပါ ကူးကုန်တာ။ လူတွေက ကြီးကြီးမားမားတော့ မဖြစ်သွားဘူး။ ဆီလောင်တာလောက်ပဲ”လို့ ပြောပါတယ်။
မီးလောင်တဲ့နေရာကို ရွှေပြည်သာနဲ့ အင်းစိန်မြို့နယ်တို့က မီးငြှိမ်းသတ်ယာဉ် ၅ စီး၊ ရေသယ်ယာဉ် ၃ စီးတို့နဲ့ လာရောက်ငြှိမ်းခဲ့တာကြောင့် မနက် ၇ နာရီခွဲမှာ မီးထိန်းနိုင်ခဲ့ကာ ၇ နာရီခွဲကျော်မှာ မိနစ်လောက်မှာ မီးငြိမ်းသွားပါတယ်။
မီးလောင်မှုကြောင့် ပျက်စီးဆုံးရှုံးမှုတန်ဖိုးကို သက်ဆိုင်ရာမီးသတ်က စစ်ဆေးတွက်ချက်နေဆဲ ဖြစ်ပြီး လူထိခိုက်ဒဏ်ရာရတာ မရှိပါဘူး။
ဇူလိုင် ၁၀ ရက်ကလည်း သာကေတမြို့နယ်မှာ ၂ ထပ်လူနေအိမ် မီးလောင်ရာက အသက် ၈ နှစ် အရွယ် မိန်းကလေး တဦး သေဆုံးခဲ့ပါတယ်။
