မန်ယူဂိုးသမားဟောင်း ဒီဂီယာ အီတလီစီးရီအေသို့ ပြောင်းရွှေ့ရန် နီးစပ်
DVB
·
July 27, 2024
မန်ယူဂိုးသမားဟောင်း ဒေးဗစ်ဒီဂီယာဟာ အီတလီစီးရီးအေကလပ်အသင်း တသင်းဆီပြောင်းရွှေ့ဖို့ နီးစပ်လာပါတယ်။
စပိန်ဂိုးသမားဟာ ပြီးခဲ့တဲ့နွေရာသီကတည်းက မန်ယူအသင်းနဲ့ စာချုပ်သက်တမ်း ကုန်ဆုံးခဲ့လို့ ထွက်ခွာခဲ့ရပြီး အသင်းလက်မဲ့ဖြစ်နေတာ တရာသီလောက်ရှိလာခဲ့တာပါ။
အပြောင်း အရွှေ့ကျွမ်းကျင်သူ ဒီမာဇီယိုရဲ့ ဖော်ပြချက်အရ ဂိုးသမား ဒီဂီယာဟာ အီတလီစီးရီးအေကလပ် ဂျီနိုအာအသင်းဆီကို ဆက်သွယ်ပြီး သူ့ကို ခေါ်ယူနိုင်ကြောင်း အကြောင်းကြားခဲ့တာလို့ သိရပါတယ်။
ဒီဂီယာဟာ ၂၀၁၁ ခုနှစ်က အက်သလက်တီကိုအသင်းကနေ မန်ယူအသင်းဆီပြောင်းရွှေ့လာပြီး နောက် စုစုပေါင်း ၅၄၅ ပွဲပါဝင်ကစားခဲ့ ပါတယ်။
Photo-Reuters
