အင်တာနောက်ခံလူဒမ်ဖရိုင်းစ်နှင့် ဝမ်ဘစ်ဆာကာကို အလဲအထပ်လုပ်ရန် မန်ယူ စိတ်ဝင်စား
DVB
·
July 27, 2024
မန်ချက်စတာယူနိုက်တက်အသင်းဟာ အင်တာမီလန်နောက်ခံလူ ဒမ်ဖရိုင်းစ်ကို ခေါ်ယူဖို့အတွက် နောက်ခံလူ ဝမ်ဘစ်ဆာကာကို အလဲအထပ်လုပ်ဖို့ စိတ်ဝင်စားနေတယ်လို့ သိရပါတယ်။
ညာနောက်ခံလူဝမ်ဘစ်ဆာကာဟာ မနှစ်ကရာသီမှာ စွမ်းဆောင်ရည်ကောင်းတချို့ပြသနိုင်ခဲ့ပေမဲ့ မန်ယူအသင်းက ပိုကောင်းတဲ့ကစားသမားတဦးနဲ့ အစားထိုးဖို့ ဆန္ဒရှိနေတာပါ။
ဟော်လန်နောက်ခံလူ ဒမ်ဖရိုင်းစ်ဟာ အင်တာမီလန်အသင်းမှာ ညာတောင်ပံမှာ ခြေစွမ်းပြနေသူဖြစ်ပြီး ညာနောက်ခံလူအဖြစ်လည်း ကစားနိုင်သူပါ။
အသက် ၂၈ နှစ်ရှိ ဟော်လန်နောက်ခံလူဟာ အင်တာနဲ့ ၂၀၂၅ ခုနှစ်မှာ စာချုပ်သက်တမ်းကုန်ဆုံး တော့မှာပါ။
ဝမ်ဘစ်ဆာကာဟာလည်း ၂၀၂၅ ခုနှစ်မှာစာချုပ်သက်တမ်းကုန်ဆုံးမှာဖြစ်ပြီး အလဲအထပ် လုပ်ဖို့ မန်ယူအသင်းကစိတ်ဝင်စားနေပေမဲ့ ဆွေးနွေးညှိနှိုင်းမှုတွေတော့ မလုပ်ဆောင်ရသေးဘူးလို့ သိရပါတယ်။
Photo-Reuters
