မန်ချက်စတာစီးတီးနည်းပြ ပက်ဂွါဒီယိုလာက ဝါရင့်ကွင်းလယ်သမား ကီဗင်ဒီဘရိုင်အနေနဲ့ အသင်းမှာ ဆက်နေလိမ့်မယ်လို့ ပြောဆိုလိုက်ပါတယ်။

ဘယ်လ်ဂျီယံကွင်းလယ်သမား ဒီဘရိုင်းကို ဆော်ဒီကလပ်က လာမယ့် နွေရာသီမှာ ခေါ်ယူဖို့ ချိတ်ဆက်နေတာပါ။

အသက် ၃၃ နှစ်အရွယ် ဒီဘရိုင်းဟာ အသင်းနဲ့ စာချုပ်သက်တမ်း တနှစ် ကျန်နေသေးပေမဲ့ ပြီးခဲ့တဲ့လတုန်းက ဆော်ဒီကလပ်ရဲ့ ကမ်းလှမ်းမှုကို စဉ်းစားနေတယ်လို့ ပြောဆိုခဲ့ပါတယ်။

ဒါပေမဲ့ မန်စီးတီးနည်းပြ ဂွါဒီယိုလာကတော့ အပြောင်းအရွှေ့အပေါ် စိတ်မပူဘူးလို့ ဆိုထားပါတယ်။

ဒီဘရိုင်းဟာ အသင်းနဲ့အတူ ပရီးမီးယားလိဂ် ချန်ပီယံဆုကို စံချိန်တင် ၄ နှစ်ဆက်တိုက် ရရှိထားသူဖြစ်ပြီး  မန်စီးတီးကို ပြီးခဲ့တဲ့ရာသီမှာလည်း ပရီးမီးယားလိဂ် ချန်ပီယံဆုရအောင် ကူညီပေးထားပါတယ်။

ကွင်းလယ်သမားဟာ မန်စီးတီးကစားသမား သက်တမ်းတလျှောက်မှာတော့ ပရီးမီးယားလိဂ် ချန်ပီယံဆုကို ၆ ကြိမ်အထိ ရရှိထားပါတယ်။