အက်စတွန်ဗီလာက ကွင်းလယ်သမား အိုနာနာကို ပေါင်သန်း ၅၀ ဖြင့် ခေါ်ယူ
DVB
·
July 23, 2024
အက်စတွန်ဗီလာအသင်းဟာ ကွင်းလယ်သမား အမ်မဒူ အိုနာနာကို ပေါင်သန်း ၅၀ နဲ့ အဲဗာတန်အသင်းကနေ ခေါ်ယူလိုက်ပါတယ်။
အသက် ၂၂ နှစ်အရွယ် အိုနာနာဟာ ပြီးခဲ့တဲ့ ယူရို ၂၀၂၄ ပြိုင်ပွဲမှာ ဘယ်လ်ဂျီယံအတွက် အချိန်ပြည့် ပါဝင် ကစားထားပါတယ်။
နည်းပြ အူနိုင်းအမ်မရီရဲ့ အက်စတွန်ဗီလာအသင်းဟာ လာမယ့်ရာသီမှာ ချန်ပီယံလိဂ် ဝင်ခွင့်ရထားတာကြောင့် အိုနာနာဟာ ချန်ပီယံလိဂ်မှာ ကစားခွင့်ရမှာလည်း ဖြစ်ပါတယ်။
ချန်ပီယံလိဂ်ကစားရမှာဖြစ်လို့ အရမ်းစိတ်လှုပ်ရှားနေပါတယ်လို့ အိုနာနာက ဗြိတိသျှမီဒီယာတွေကို ပြောပါတယ်။
ကွင်းလယ်သမားဟာ ပြင်သစ်ကလပ် လိုင်လီကနေ ၂၀၂၂မှာ ပေါင် ၃၃ သန်းနဲ့ အဲဗာတန်ကို ရောက်ရှိခဲ့တာ ဖြစ်ပါတယ်။
သူဟာ အဲဗာတန်အတွက် ၇၂ ပွဲကစားပေးထားပြီး ၄ ဂိုး သွင်းယူထားပါတယ်။
Photo-Reuters
