အင်္ဂလန်နည်းပြရာထူးအတွက် ဂွါဒီယိုလာနှင့် ကလော့ပ်တို့ကိုခေါ်ယူရန် အဲရစ်ဆင် တိုက်တွန်း
DVB
·
July 21, 2024
အင်္ဂလန်နည်းပြရာထူးအတွက် ဂွါဒီယိုလာနဲ့ ယာဂန်ကလော့ပ်တို့ကို ခေါ်ယူဖို့ နည်းပြဟောင်း အဲရစ်ဆင်က တိုက်တွန်းသွားပါတယ်။
အင်္ဂလန်အသင်းဟာ နည်းပြဆောက်ဂိတ်နဲ့ လမ်းခွဲခဲ့တာကြောင့် နည်းပြသစ်တဦး ခန့်အပ်သွားဖို့ လုပ်ဆောင်နေတာပါ။
အင်္ဂလိပ်နည်းပြတွေနဲ့ သတင်းထွက်နေပေမဲ့ အသင်းအောင်မြင်မှုရရှိဖို့ဆိုရင် မန်စီးတီးနည်းပြ ဂွါဒီယိုလာနဲ့ လီဗာပူးနည်းပြဟောင်း ယာဂန်ကလော့ပ်တို့ထဲက တဦးကို ခေါ်ယူဖို့ အင်္ဂလန်နည်းပြဟောင်း အဲရစ်ဆင်က တိုက်တွန်းခဲ့တာပါ။
သူတို့နှစ်ဦးဟာ အင်္ဂလန်ဘောလုံးအကြောင်းကို သိရှိနားလည်သူတွေ ဖြစ်ပြီး ကမ္ဘာ့အကောင်းဆုံးနည်းပြတွေလည်း ဖြစ်တယ်လို့ အဲရစ်ဆင်က ပြောပါတယ်။
ဂျာမန်နည်းပြ ကလော့ပ်ဟာ လက်ရှိအချိန်မှာ အသင်းလက်မဲ့ဖြစ်နေပြီး ဂွါဒီယိုလာကတော့ မန်စီးတီးကို အနည်းဆုံး နောက်ထပ် တနှစ် ဆက်လက်ကိုင်တွယ်ဖို့ရှိပါတယ်။
