FA ဖလားချန်ပီယံ မန်ယူအသင်းကို ဂုဏ်ပြုကြောင်း မန်စီးတီးနည်းပြဂွါဒီယိုလာက ပြောသွား ပါတယ်။

မန်စီးတီးအသင်းဟာ ချန်ပီယံဖြစ်ဖို့ ရေပန်းအစားဆုံးဖြစ်ခဲ့ပေမဲ့ နောက်ခံလူတွေနဲ့ ဂိုးသမားတို့ရဲ့ အမှားကနေ ဦးဆောင်ဂိုး စတင်ခွင့်ပြုခဲ့ရပြီး ပွဲပြီးဆုံးချိန်မှာ ၂ ဂိုး ၁ ဂိုးနဲ့ ရှုံးနိမ့်ခဲ့ရတာပါ။

ချန်ပီယံဖြစ်ဖို့ ရေပန်းစားတဲ့အသင်းဖြစ်ပေမဲ့ ဘောလုံးမှာ  ဘာမဆိုဖြစ်နိုင်တာကို ပြသခဲ့တဲ့ ပွဲစဉ်ဖြစ်ကြောင်း၊ အဆုံးသတ်မှာတော့ မန်ယူနိုက်တက်က ၂ ဂိုးသွင်းပြီး အသင်းဘက်က ဂိုးပိုမသွင်းနိုင်ခဲ့လို့ ရှုံးနိမ့်ခဲ့တာဖြစ်ကြောင်း နည်းပြဂွါဒီယိုလာက ပြောပါတယ်။

အကောင်းဆုံးရာသီတခုကို ဖြတ်သန်းခဲ့တဲ့ မန်စီးတီးအသင်းအတွက် ဂုဏ်ယူသလို FA ဖလားချန်ပီယံ မန်ယူနိုက်တက်အသင်းကိုလည်း ဂုဏ်ပြုကြောင်း၊ ခက်ခဲတဲ့ပွဲစဉ်ဖြစ်ခဲ့ကြောင်း ဗိုလ်လုပွဲစဉ်အပြီးမှာ နည်းပြဂွါဒီယိုလာက ပြောသွားပါတယ်။

Photo - Reuters