တရုတ်နိုင်ငံမြောက်ပိုင်းမှာ မိုးသည်းထန်စွာရွာသွန်းမှုကြောင့် တံတားတစင်း ကျိုးခဲ့ပြီး လူ ၁၁ ဦး သေဆုံးကာ လူ ၃၀ ကျော် ပျောက်ဆုံးနေပါတယ်။
မိုးသည်းထန်စွာရွာသွန်းမှုနဲ့ ရေကြီးမှုတွေကြောင့် သောကြာနေ့ ၈ နာရီ ၄၀ မိနစ်မှာ ရှန်ဇီနယ်မြေမှာရှိတဲ့ မြစ်ကို ဖြတ်ထားတဲ့ တံတားတစင်း ပြိုကျခဲ့တယ်လို့ ဆင်ဟွာသတင်းဌာနက ဖော်ပြပါတယ်။
“အဝေးပြေးတံတား မြစ်ထဲကို ကျိုးကျခဲ့ပြီးနောက် ကား အစီး ၂၀ နီးပါးနဲ့ လူ ၃၀ ကျော် ပျောက်ဆုံးနေတယ်”လို့ CCTV ကလည်း ကြေညာထားပါတယ်။
လောလောဆယ်တော့ ကား ၅ စီးမှာ ပါတဲ့ လူ ၁၁ ဦးသေဆုံးကြောင်း အတည်ပြုထားပြီး CCTV က ထုတ်ပြန်တဲ့ ပုံအရ မြစ်ကိုဖြတ်ထားတဲ့ တံတားအစိတ်ပိုင်းတခု မြစ်အတွင်းကို ထိုးကျနေတာ တွေ့ရပါတယ်။
တရုတ်နိုင်ငံမြောက်ပိုင်းနဲ့ အလယ်ပိုင်းတွေမှာ မိုးသည်းထန်စွာ ရွာသွန်းမှုတွေကြောင့် ရေကြီးမှုတွေ ဖြစ်ပွားနေပြီး ထူးခြားတဲ့ ပျက်စီးမှုတွေလည်း ကြုံတွေ့နေရပါတယ်။
ပြီးခဲ့တဲ့ သောကြာနေက ဒေသခံမီဒီယာတွေရဲ့ ထုတ်ပြန်ချက်အရ ရှန်ဆီရှိဘာအိုဂျီမြို့မှာ ရေလွှမ်းမိုးမှုနဲ့ ရွှံ့မြေတွေ ပြိုကျမှုကြောင့် လူ ၅ ဦးအနည်းဆုံး သေဆုံးခဲ့ပြီး ၈ ဦး ပျောက်ဆုံးနေတယ်လို့ သိရပါတယ်။
ပြီးခဲ့တဲ့ မေလကလည်း တရုတ်တောင်ပိုင်းမှာ မိုးကြီးမှုကြောင့် အဝေးပြေးလမ်း ပြိုကျခဲ့ပြီး လူ ၄၈ ဦး သေဆုံးခဲ့ဖူးပါတယ်။ ဒီလအစောပိုင်းကလည်း လေဆင်နှာမောင်း တိုက်ခတ်လို့ တရုတ်အရှေ့ပိုင်းမှာ လူ ၁ ဦး သေဆုံးပြီး ၇၉ ဦး ဒဏ်ရာရခဲ့ပါတယ်။
Source-Reuters
