အာဆင်နယ်အသင်းခေါင်းဆောင်ဟောင်း ဖာဘရီဂတ်စ်ဟာ စီးရီးအေကလပ် ကိုမိုနည်းပြအဖြစ် ၄ နှစ်စာချုပ် ချုပ်ဆိုခဲ့ပါတယ်။

အသက် ၃၇ နှစ်အရွယ်ရှိ ဖာဘရီဂတ်စ်ဟာ ၂၁ နှစ်ကြာမှ စီးရီးအေကို တကျော့ပြန် တန်းတက်လာတဲ့ ကိုမိုအသင်းမှာ ပြီးခဲ့တဲ့ရာသီကအထိ ကစားခဲ့တာဖြစ်ပြီး ဒီရာသီမှာ နည်းပြအဖြစ် တာဝန်ယူမှာ ဖြစ်ပါတယ်။

ဖာဘရီဂတ်စ်ဟာ ၂၀၂၃ နိုဝင်ဘာနဲ့ ဒီဇင်ဘာလတို့မှာလည်း ကိုမိုအသင်းကို ယာယီနည်းပြအဖြစ် ၅ ပွဲ ကိုင်တွယ်ခဲ့ရဖူးပါတယ်။ 

ဖာဘရီဂတ်စ်က “ကိုမိုအသင်းနည်းပြအဖြစ် ဒီရာသီကို စတင်ရမှာဖြစ်လို့ ပျော်ပါတယ်။ အသင်းပိုင်ရှင်တွေကလည်း ကျနော့်ကို နည်းပြရာထူးအတွက် ယုံယုံကြည်ကြည် ခန့်အပ်တဲ့အတွက်လည်း ကျေးဇူးတင်ပါတယ်” လို့ ပြောပါတယ်။

ဖာဘရီဂတ်စ်ဟာ ပြီးခဲ့တဲ့ရာသီက ယာယီနည်းပြ ရောဘတ်ရဲ့ လက်ထောက်နည်းပြအဖြစ် ရာသီဝက် ဆောင်ရွက်ခဲ့သူဖြစ်ကာ ကစားသမားဘဝကနေ အနားယူပြီးနောက် နည်းပြဖြစ်လာသူ ဖြစ်ပါတယ်။