နောက်ခံလူဒီလစ်နှင့် တိုက်စစ်မှူးဇီယက်ဇီတို့ကို ခေါ်ယူနိုင်ရန် မန်ယူအသင်း အလွန်နီးစပ်လာ
DVB
·
July 13, 2024
မန်ယူအသင်းဟာ ဟော်လန်အသင်းယူရိုပြိုင်ပွဲကနေထွက်ခွါခဲ့ရပြီးနောက် ဒီလစ်နဲ့ ဇီယက်ဇီတို့ကို ခေါ်ယူနိုင်ဖို့ အလွန်နီးစပ်လာပါတယ်။
မန်ယူအသင်းဟာ ဟော်လန်ကစားသမားနှစ်ဦးစလုံးနဲ့ အကြိုသဘောတူညီမူရရှိထားပြီး သက်ဆိုင်ရာ ကလပ်တွေနဲ့ နောက်ဆုံးအဆင့်ဆွေးနွေးမှုတွေ လုပ်ဆောင်နေတာပါ။
မန်ယူအသင်းဟာ ဘိုင်ယန်မြူးနစ်နောက်ခံလူ ဒီလစ်အတွက် ပေါင် ၄၃ သန်းခန့် ကုန်ကျနိုင်ပြီး ဘိုလော့ဂ်ညာတိုက်စစ်မှူး ဇီယက်ဇီကို ပေါင် ၃၄ သန်းဝန်းကျင်နဲ့ ခေါ်ယူနိုင်ဖို့ အပြီးသတ်ညှိနှိုင်းမှုတွေ လုပ်ဆောင်နေတာပါ။
တိုက်စစ်မှူးဇီယက်ဇီဟာ မနှစ်က ဘိုလော့ဂ်ညာအသင်းမှာ ၃၇ ပွဲကစားခဲ့ပြီး ၁၂ ဂိုးသွင်းကာ ၇ ကြိမ်ဂိုးဖန်တီးမှု ပြုလုပ်နိုင်ခဲ့ပါတယ်။
ဒီလစ်ကတော့ ဘိုင်ယန် အသင်းမှာ ဘွန်ဒက်စ်လီဂါ ၂၂ ပွဲကစားခဲ့ပေမဲ့ ၁၆ ပွဲသာ ပွဲထွက်လူစာရင်းမှာပါဝင်ခဲ့တာ ဖြစ်ပါတယ်။
Photo-Reuters
