ဥရုဂွေးနှင့် ပီအက်စ်ဂျီကွင်းလယ်လူ အူဂါတီကို ခေါ်ယူရန် မန်ယူ ကြိုးပမ်း
DVB
·
July 9, 2024
မန်ယူအသင်းဟာ ဥရုဂွေးနဲ့ ပီအက်စ်ဂျီကွင်းလယ်လူ အူဂါတီကိုခေါ်ယူဖို့ ကြိုးပမ်းနေပါတယ်။
နောက်ခံလူ ဒီလစ်နဲ့ တိုက်စစ်မှူး ဇီယက်ဇီတို့ကို ခေါ်ယူဖို့ နီးစပ်လာခဲ့ပြီးတဲ့နောက်မှာ ကွင်းလယ် ကစားသမားဖြစ်သူ အူဂါတီကိုပါ ခေါ်ယူနိုင်ဖို့ မန်ယူအသင်းကကြိုးပမ်းလာခဲ့တာပါ။
အသက် ၂၃ နှစ်ရှိ ကွင်းလယ်ခံစစ်ကစားသမားကို ဆော်ဒီလိဂ်ဆီပြောင်းရွှေ့ဖွယ်ရှိတဲ့ ကတ်စမီရိုရဲ့ နေရာမှာအစာထိုးဖို့ မန်ယူအသင်းက ပစ်မှတ်ထားလာခဲ့တာပါ။
အူဂါတီဟာ မနှစ်ကရာသီကမှ ပေါ်တူဂီကလပ် စပို့တင်းလစ္စဘွန်းကနေ ပေါင် ၅၁ သန်းနဲ့ ပီအက်စ်ဂျီအသင်းဆီ ပြောင်းရွှေ့လာခဲ့သူပါ။
သူဟာ ပီအက်စ်ဂျီနဲ့ပွဲဦး ထွက်ရာသီမှာပဲ ၃၇ ပွဲကစားခဲ့ပြီး ၂ ကြိမ်ဂိုးဖန်တီးခဲ့ပါတယ်။ မန်ယူအသင်းဟာ ဝက်စ်ဟမ်းအသင်းက မက္ကဆီကို ကွင်းလယ်လူ အယ်လ်ဗာရက်ဇ်ကိုလည်း စောင့်ကြည့်လေ့လာနေ ပါတယ်။
Photo-Reuters
