ကမ္ဘာတဝန်း AI နည်းပညာဖွံ့ဖြိုးမှု အရှိန်မြင့်လာတာနဲ့အမျှ  Memory chip  ဝယ်လိုအား ပြန်လည်အားကောင်းလာချိန်မှာ ဆမ်ဆောင်းအီလက်ထရောနစ်ကုမ္ပဏီရဲ့ လုပ်ငန်းလည်ပတ်မှု အမြတ်အစွန်းဟာ ၂၀၂၄  ဒုတိယသုံးလပတ်မှာ ၁၅ ဆတောင် ခုန်တက်ခဲ့ပါတယ်။

ကမ္ဘာ့အကြီးဆုံး memory chip နဲ့ စမတ်ဖုန်းထုတ်လုပ်သူဖြစ်တဲ့ ဆမ်ဆောင်းဟာ ဇွန်လမှ အဆုံးသတ်တဲ့ သုံးလပတ် လုပ်ငန်းလည်ပတ်မှုအမြတ်ဟာ  ဝမ်ငွေ ၁၀ ဒသမ ၄ ထရီလီ  (ဒေါ်လာ ၇ ဘီလီယံခွဲ) အထိ ရှိခဲ့ပါတယ်။

ဒါဟာ သုံးလပတ်ချင်းနှိုင်းယှဉ်မှုအရ မနှစ်က ဒုတိယသုံးလပတ်နဲ့ ယှဉ်ရင် အမြတ် ၁၅ ဆ တိုးလာတာဖြစ်ပါတယ်။

ဒီသတင်းကြောင့် ဆမ်ဆောင်းစတော့စျေးဟာလည်း ၂၀၂၁ ဇန်နဝါရီ နောက်ပိုင်း အမြင့်ဆုံးအဖြစ် ၃ ရာခိုင်နှုန်းတောင် ခုန်တက်ခဲ့ပါတယ်။

ကိုဗစ်ကာလအလွန်မှာ ဆိုးဆိုးရွားရွားအကျဘက်ရောက်ခဲ့တဲ့  Memory chip စျေးကွက်ဟာ ဒေတာစင်တာ တွေ၊ AI နည်းပညာတွေခေတ်ကောင်းမှုနဲ့အတူ ဒီနှစ်မှာ တဟုန်ထိုး အားကောင်းလာ ပါတယ်။

ဝယ်လိုအားများတာကြောင့် Memory chip ပြားစျေးနှုန်းဟာလည်း မနှစ်က အလားတူ သုံးလပတ်နဲ့ ယှဉ်ရင် ၁၅ ရာခိုင်နှုန်းတောင် တက်သွားပါတယ်။

Source-Reuters