တိုက်စစ်မှူးဟောင်း တောရက်စ် အက်သလက်တီကို (B) အသင်းကို ကိုင်တွယ်မည်
DVB
·
June 12, 2024
စပိန်တိုက်စစ်မှူးဟောင်း ဖာနန်ဒိုတောရက်စ်ဟာ အက်သလက်တီကို (B) အသင်းကို တာဝန်ယူကိုင် တွယ်တော့မှာပါ။
လီဗာပူးနဲ့ ချဲလ်ဆီးတိုက်စစ်မှူးဟောင်းဟာ ၂၀၂၀ ပြည့်နှစ်က ကစားသမားဘ၀ကနေ အနားယူခဲ့တာဖြစ်ပြီး စီနီယာအသင်းတသင်းကို ပထမဆုံးအကြိမ် တာဝန်ယူခွင့်ရရှိလာခဲ့တာပါ။
တောရက်စ်ဟာ အက်သလက်တီကို ယူ-၁၉ အသင်းကို စတင်တာဝန်ယူခဲ့ပြီး တီကို (B)အသင်း နည်းပြ တီဗီနက်က အသင်းကြီးနည်းပြအဖွဲ့ဝင်အဖြစ် ရာထူးတိုးခဲ့တာကြောင့် တောရက်စ်က အစားထိုးတာဝန်ယူခွင့် ရရှိလာခဲ့တာပါ။
နည်းပြတယောက်အနေနဲ့ လေ့လာသင်ယူမှုတွေ သုံးနှစ်ကြာ လုပ်ဆောင်ခဲ့ပြီးဖြစ်ကြောင်း၊ စိန်ခေါ်မှုတွေကို ရင်ဆိုင်ပြီး နေ့စဉ်နေ့တိုင်း ခြေစွမ်းတိုးတက်လာအောင် ကစားသမားတွေကို သင်ကြားပြသပေးသွားမှာဖြစ်ကြောင်း တောရက်စ်က ပြောပါတယ်။
