ယူကရိန်းက ဒရုန်းနဲ့တိုက်ခိုက်အပြီး ရုရှားနိုင်ငံ ရိုစတော့ဗ် ဒေသတွင်းက နိုဗားရှက်ခ်တင့်စ်ခ် ရေနံချက်စက်ရုံမှာ မီးလောင်ကျွမ်းခဲ့တယ်လို့ ဒေသန္တရ အုပ်ချုပ်ရေးမှူး ဗာစီးလီး ဂိုလိုဘက်ဗ်က တယ်လီဂရမ် လူမှုကွန်ယက်မှာ ဇွန် ၆ ရက်က ရေးပါတယ်။
အနားက လမ်းပေါ်မှာ မောင်းသွားတဲ့ ကားတစီးပေါ်ကနေ ရိုက်ကူးထားတဲ့ ရေနံချက်စက်ရုံ မီးလောင်နေတဲ့ ရုပ်သံကို ရိုက်တာသတင်းဌာနက ရရှိ ထုတ်လွှင့်ခဲ့ပါတယ်။ အနီးနား က အဆောက်အဦတွေ သစ်ပင်တွေ လမ်းအခင်းအကျင်းတွေနဲ့ ယာဉ်ကြောတွေကို ဂြိုဟ်တုပေါ်က ပုံရိပ်တွေနဲ့ တိုက်ဆိုင်စစ်ဆေးအပြီး ရုပ်သံ မှန်ကန်ကြောင်းကို အတည်ပြု နိုင်ခဲ့ပါတယ်။
မီးကို ဒေသစံတော်ချိန် မနက် ၄န ာရီမှာ ငြှိမ်းသတ်နိုင်ခဲ့တယ်လို့ ဂိုလိုဘက်ဗ်က ပြောပါတယ်။ ရုရှားနဲ့ ယူကရိန်း နှစ်ဖက်စလုံးဟာ မရှိမဖြစ် အရေးပါတဲ့ အခြေခံအဆောက်အဦတွေ၊ စစ်ဘက် အဆောက်အဦတွေ၊ တပ်စခန်းတွေကို စစ်ပွဲ ၂ နှစ်ကျော် ကာလအတွင်း တိုက်ခိုက်ရာမှာ ဒရုန်းတွေကို သုံးခဲ့ကြပါတယ်။
Photo-Reuters
