ဆော်ဒီကလပ်သို့ပြောင်းရွှေ့ရန် လမ်းဖွင့်ထားဟု ဒီဘရိုင်းပြော
DVB
·
June 7, 2024
ဆော်ဒီကလပ်တွေဆီ ပြောင်းရွှေ့ဖို့ လမ်းဖွင့်ထားကြောင်း မန်စီးတီးကွင်းလယ်လူ ကီဗင်ဒီဘရိုင်းက ပြောသွားပါတယ်။
အသက် ၃၂ နှစ်ရှိ ဘယ်လ်ဂျီယံ ကွင်းလယ်ကစားသမားဟာ လာမယ့်ရာသီ ကုန်ဆုံးချိန်မှာ အသင်းနဲ့ စာချုပ်သက်တမ်း ကုန်ဆုံးတော့မှာပါ။
အနာဂတ်နဲ့ပတ်သက်လို့ ဘယ်လ်ဂျီယံမီဒီယာတခုနဲ့ အင်တာဗျူးမှာ ပြောပြသွားခဲ့ပြီး အသက်အရွယ် ရလာပြီဖြစ်လို့ အရာရာကို အချိန်ယူ စဉ်းစားသွားရမှာ ဖြစ်တယ်လို့ ပြောပါတယ်။
ကစားသမားဘဝ ကုန်ဆုံးခါနီးအချိန်မှာ ငွေကြေးကိစ္စဟာလည်း မဖြစ်မနေ စဉ်းစားရမယ့် အချက်ဖြစ်ကြောင်း၊ ဆော်ဒီကလပ်တွေဘက်က ကမ်းလှမ်းတဲ့ လုပ်ခလစာ ပမာဏဟာ ပြီးခဲ့တဲ့ ၁၅ နှစ်အတွင်း မရရှိခဲ့ဘူးတဲ့ လုပ်ခလစာမျိုး ဖြစ်နိုင်ကြောင်း ဒီဘရိုင်းက ပြောသွားပါတယ်။
လက်ရှိအချိန်မှာတော့ ဘာကိုမှ မဆုံးဖြတ်သေးဘဲ ယူရိုပြိုင်ပွဲအတွက် အာရုံစိုက်ထားကြောင်းလည်း ဒီဘရိုင်းက ပြောသွားပါတယ်။
Photo-Reuters
