ရီးရဲလ်အသင်းဖော်ဟောင်း ၂ ဦးကို အယ်လ်နာဆာအသင်းဆီပြောင်းရွှေ့ရန် စီရော်နယ်ဒို ဖိတ်ခေါ်
DVB
·
June 5, 2024
ပေါ်တူဂီတိုက်စစ်မှူး စီရော်နယ်ဒိုဟာ ရီးရဲလ်မက်ဒရစ်အသင်းဖော်ဟောင်း ၂ ဦးကို အယ်လ်နာဆာအသင်းဆီ ပြောင်းရွှေ့ကစားဖို့ ဖိတ်ခေါ်သွားပါတယ်။
စီရော်နယ်ဒိုဟာ အယ်လ်နာဆာအသင်းမှာ ခြေစွမ်းပြနေပေမဲ့ ဆုဖလားလက်မဲ့ ဖြစ်နေဆဲဖြစ်တာကြောင့် အသင်းဟောင်းက ကစားသမား ၂ ဦး ကိုလာရောက်ကစားဖို့ ဖိတ်ခေါ်ခဲ့တာပါ။
စပိန်သတင်းစာ မာကာရဲ့ အဆိုအရ စီရော်နယ်ဒိုဟာ မက်ဒရစ် အသင်းဖော်ဟောင်း ကတ်စမဲရိုးနဲ့ နောက်ခံလူ နာချိုဖာနန်ဒက်စ်တို့ကို ဆော်ဒီလိဂ်ဆီလာကစားဖို့ ဖိတ်ခေါ်ခဲ့တယ်လို့ဆိုပါတယ်။
နာချိုဖာနန်ဒက်စ်ဟာ မက်ဒရစ်ကို ဥရောပချန်ပီယံလိဂ်ဆုဖလားရရှိအောင်စွမ်းဆောင်ခဲ့သူပါ။ ကတ်စမဲရိုးကတော့ မန်ယူအသင်းမှာ ဆက်ရှိဖို့ မရေရာတော့တဲ့ အခြေအနေ ရောက်ရှိနေပါတယ်။
Photo-Reuters
