နည်းပြ မာရက်စ်ကာကို ခေါ်ယူခန့်အပ်ကြောင်း ချဲလ်ဆီးအသင်းတရားကြေညာ
DVB
·
June 4, 2024
ချဲလ်ဆီးအသင်းဟာ လက်စတာနည်းပြ မာရက်စ်ကာကိုခေါ်ယူခန့်အပ်ကြောင်း တရားဝင်ကြေညာ သွားပါတယ်။
အီတလီနည်းပြ မာရက်စ်ကာဟာ ပိုင်ရှင်သစ်တော့ဘိုလီလက်ထက်မှာ စတုတ္ထမြောက် နည်းပြအပြောင်းအလဲ ပြုလုပ်ခဲ့တာပါ။
ချဲလ်ဆီးအသင်းဟာ မာရက်စ်ကာကိုခေါ်ယူနိုင်ဖို့ လက်စတာအသင်းကို ပေါင် ၁၀ သန်းလျော်ကြေးပေးခဲ့ရပါတယ်။
အသက် ၄၄ နှစ်ရှိ မာရက်စ်ကာဟာ လာမယ့် ဇူလိုင် ၁ ရက်မှာ အသင်းနဲ့ အတူစတင်ပူးပေါင်းလေ့ကျင့်မှုတွေ လုပ်ဆောင်မှာပါ။
အဲဒီမတိုင်ခင်မှာ ရာသီကြို ခြေစမ်းပွဲတွေနဲ့ ပတ်သက်ပြီး အသင်းနဲ့ ပူးပေါင်းမှုတွေ စတင်လုပ်ဆောင်သွားရမှာ ဖြစ်ပါတယ်။
ချဲလ်ဆီးနည်းပြသစ် မာရက်စ်ကာဟာ မန်စီးတီးအကယ်ဒမီအသင်းတွေမှာ နည်းပြတာဝန်ယူခဲ့ဖူးပြီး ၂၀၂၁ ခုနှစ်ဘောလုံးရာသီမှာ ပါးမား၊ ၂၀၂၃ ခုနှစ်မှာ လက်စတာအသင်း တွေကို တာဝန်ယူကိုင်တွယ်ခဲ့တာ ဖြစ်ပါတယ်။
Photo-Reuters
