အမ်ဘာပေကို ရီးရဲလ်အသင်းခေါ်ယူမှု တရားဝင်ကြေညာမည်
DVB
·
June 4, 2024
ပြင်သစ်ကလပ် ပီအက်စ်ဂျီတိုက်စစ်မှူး အမ်ဘာပေကို ရီးရဲလ်မက်ဒရစ်အသင်းက စာချုပ်ခေါ်ယူမှု မကြာခင်မှာ တရားဝင်ကြေညာတော့မှာဖြစ်တယ်လို့ သိရပါတယ်။
အမ်ဘာပေဟာ ပီအက်စ်ဂျီနဲ့ စာချုပ်သက်တမ်း ကုန်ဆုံးခဲ့ပြီးနောက် မက်ဒရစ်ကလပ်ဆီ ပြောင်းရွှေ့ဖို့ ကြိုတင်သဘောတူညီထားခဲ့တာပါ။
ရီးရဲလ်မက်ဒရစ်အသင်းက ချန်ပီယံလိဂ်ဗိုလ်လုပွဲမှာ အနိုင်ရခဲ့ပြီး ၁၅ ကြိမ်မြောက်ချန်ပီယံဖြစ်ခဲ့ပြီး နောက်မှာတော့ အမ်ဘာပေနဲ့ စာချုပ်ချုပ်ဆိုခဲ့ပြီးဖြစ်တယ်လို့ မီဒီယာတွေက ဖော်ပြကြလာကြတာပါ။
အမ်ဘာပေကိုခေါ်ယူနိုင်ခဲ့ကြောင်း သတင်းထုတ်ပြန်မှုကို မကြာခင်ရက်ပိုင်းအတွင်းမှာပဲ ရီးရဲလ် မက်ဒရစ်အသင်းက ထုတ်ပြန်မှာဖြစ်တယ်လို့ နာမည်ကြီးအီတလီဂျာနယ်လစ် ဖာဘရီဇီယိုရိုမာနို က ဆိုပါတယ်။
အမ်ဘာပေဘက်ကတော့ ယူရိုပြိုင်ပွဲမတိုင်ခင်မှာ သူ့ရဲ့အနာဂတ်ကို ထုတ်ပြန်မယ်လို့ ပြောဆို ထားပါတယ်။
Photo-Reuters
