လာမယ့်ရာသီ လီဗာပူးအသင်းမှာ အပြောင်းအလဲတွေ အများကြီးရှိလာမှာ ဖြစ်ပေမဲ့ အောင်မြင်မှု ရရှိမယ်လို့ ယုံကြည်ကြောင်း နောက်ခံလူ ဗန်ဒိုက်က ပြောသွားပါတယ်။
ဟော်လန်အသင်းနဲ့အတူ ပူးပေါင်းလေ့ကျင့်နေချိန် သတင်းစာရှင်းလင်းပွဲတခုမှာ ဗန်ဒိုက်က ပြောသွားခဲ့တာပါ။
လီဗာပူးအသင်းဟာ လာမယ့်ရာသီမှာ နည်းပြသစ်အမ်းစလော့က ဇွန် ၁ ရက်က စတင်ပြီး တာဝန်ယူ ကိုင်တွယ်သွားရမှာပါ။
အသင်းနည်းပြချုပ်ဖြစ်လာတဲ့ နည်းပြအမ်းစလော့ကို ဂုဏ်ယူကြောင်းပြောခဲ့ပြီး အသင်းနဲ့ အနာဂတ်ကိစ္စတွေအပေါ် ဆွေးနွေးပြောဆိုခဲ့ကြောင်း၊ လက်ရှိအချိန်မှာတော့ နိုင်ငံ့လက်ရွေးစင်အသင်းအပေါ်မှာပဲ အာရုံစိုက်ချင်ကြောင်း နောက်ခံလူ ဗန်ဒိုက်က ပြောသွားပါတယ်။
လီဗာပူး ကွင်းလယ်ကစားသမား ဂရာဗင်ဘက်ချ်ကတော့ နည်းပြသစ်အမ်းစလော့ကို ချီးကျူးခဲ့ပြီး သူ့ရဲ့ ကစားသမားဘဝကို မြှင့်တင်ပေးနိုင်မယ့် နည်းပြဖြစ်တယ်လို့ ပြောသွားပါတယ်။
Photo - REUTERS/Scott Heppell
