အာဆင်နယ်အသင်းဟာ ပရီးမီးယားလိဂ်ချန်ပီယံမဖြစ်ခဲ့ပေမဲ့ အသင်းရဲ့ လုပ်ငန်းစဉ်တွေ ကောင်းမွန်စွာပြီးမြောက်ခဲ့ကြောင်း အသင်းအားကစားဒါရိုက်တာ အီဒူးက ပြောပါတယ်။
အာဆင်နယ်ဟာ မန်စီးတီးအသင်းကို နောက်ဆုံးပွဲစဉ်အထိ ဖိအားပေးနိုင်ခဲ့ပေမဲ့ ဒုတိယနေရာနဲ့ သာကျေနပ်ခဲ့ရတာပါ။
နည်းပြမီးခေးလ်အာတေတာဟာ အကောင်းဆုံးစွမ်းဆောင်နိုင်ခဲ့ပြီး ရည်မှန်းချက်တွေလည်း အောင်မြင်ခဲ့ကြောင်း၊ အရာအားလုံးလုပ်ဆောင်ခဲ့ပေမဲ့ လုံလောက်မှုမရှိခဲ့လို့ စိတ်ပျက်စရာတော့ ဖြစ်ခဲ့ကြောင်း အားကစားဒါရိုက်တာအီဒူးက ပြောပါတယ်။
ဒါပေမဲ့ အသင်းရဲ့လုပ်ငန်းစဉ်တွေ ကောင်းမွန်စွာပြီးမြောက်ခဲ့တဲ့အတွက် အပေါင်းလက္ခဏာဆောင်တဲ့ ခံစားချက်လည်းရရှိကြောင်း ဘရာဇီးအခြေစိုက်မီဒီယာ အီစတာဒို နဲ့ အင်တာဗျူးမှာ အီဒူးက ပြောသွားပါတယ်။
ချန်ပီယံဖြစ်ခဲ့တဲ့ မန်စီးတီးအသင်းနဲ့ နည်းပြဂွါဒီယိုလာရဲ့ စွမ်းဆောင်နိုင်မှုအပေါ်မှာတော့ အီဒူးက ချီးကျူးပြောကြားသွားပါတယ်။
Photo - Reuters
