ပီရူးအာဏာပိုင်တွေဟာ အာရပ်စော်ဘွားများပြည်ထောင်စုကို ယူဆောင်သွားမယ့် အလေးချိန် ၄၅ ဒသမ ၃၈ ကီလိုရှိ ရွှေချောင်း ၄ ချောင်း သိမ်းဆည်းရမိခဲ့ကြောင်း ဒေသဆိုင်ရာ အစိုးရရှေ့နေရုံးက မေ ၂၆ ရက်မှာ ပြောကြားခဲ့ပြီး အဲဒီရွှေတွေဟာ တရားမဝင် ခိုးတူးတာကနေ ရလာတာလို့လည်း စွပ်စွဲထားပါတယ်။
အစိုးရရှေ့နေရုံးရဲ့ အဆိုအရ အဲဒီရွှေတွေကို တရားဝင်စာရွက်စာတမ်းတွေ မတင်ပြထားတဲ့ ပို့ကုန်ကုမ္ပဏီတခုဆီကနေ သိမ်းဆည်းရမိခဲ့ကြောင်း သိရပါတယ်။
အဲဒီကုမ္ပဏီဟာ ရွှေချောင်းတွေကို ကုန်သွယ်ရေးကုမ္ပဏီတခုဆီကနေ ဝယ်ယူခဲ့တာဖြစ်ပြီး အဲဒီကုန်သွယ်ရေးကုမ္ပဏီဟာ တရားသူကြီးတဦး၊ လွှတ်တော်အမတ်ဟောင်းတဦးနဲ့ အစိုးရရှေ့နေတဦးတို့ ပါဝင်တဲ့ တာဝန်ရှိသူတွေက စီမံခန့်ခွဲတဲ့ ရာဇဝတ်မှုဆိုင်ရာ အဖွဲ့အစည်းရဲ့ တစိတ်တပိုင်းလို့ စွပ်စွဲခံထားရကြောင်း ထုတ်ပြန်ချက်ထဲမှာ ထည့်သွင်းဖော်ပြထားပါတယ်။
အဲဒီရွှေတွေကို တောင်ပိုင်း ပူနိုပြည်နယ်ရှိ ရွှေတွင်းတွေကနေ ထုတ်ယူခဲ့တာဖြစ်ပြီး အခု စုံစမ်းစစ်ဆေးရေး လုပ်ဆောင်နေချိန်မှာ ဘဏ်တိုက်အတွင်း သိမ်းဆည်းထားကြောင်း သိရပါတယ်။
Source/Photo-Reuters
