ပါကစ္စတန်နိုင်ငံတောင်ပိုင်း ဆင်းဒ်ပြည်နယ်မှာ အပူချိန် ၅၂ ဒီဂရီ ဆဲလ်စီးယပ်စ်ကို ကျော်လွန်မြင့်တက်ခဲ့လို့ ဆက်ရှိနေဆဲ အပူလှိုင်းအတွင်း စံချိန်တင် အပူချိန် မြင့်တက်လာတာလို့ မိုးလေဝသဌာနက မေ ၂၇ ရက်မှာ ပြောပါတယ်။
ခရစ်မပေါ်မီ နှစ် ၂၅၀၀ တည်းက တည်ခဲ့တဲ့ အင်ဒုမြစ်ဝှမ်းက မိုဟန်ဂျိုဒါရိုမြို့မှာ အပူချိန်က ၅၂ ဒသမ ၂ ဒီဂရီ ဆဲလ်စီးယပ်စ်ထိ မြင့်တက်ခဲ့တယ်လို့ ပါကစ္စတန် မိုးလေဝသဌာန အကြီးတန်းအရာရှိ ရှဟိဒ် အာဘတ်စ်က ပြောပါတယ်။
နွေရာသီ အမြင့်ဆုံးအပူချိန် အနေနဲ့ မြို့ထဲမှာ ၅၃ ဒသမ ၅ နဲ့ နိုင်ငံထဲမှာ ၅၄ ဒီဂရီ ဆဲလ်စီးယပ်စ်တွေထိ အသီးသီးမြင့်တက်ခဲ့ပါတယ်။
မိုဟန်ဂျိုဒါရိုမြို့ဟာ အစွန်းရောက် နွေအပူချိန်နဲ့ အားပျော့တဲ့ ဆောင်းရာသီ၊ နည်းပါးတဲ့ မိုးရေချိန်တွေကို ကြုံတွေ့နေရတာပါ။
စျေးကွက်က အကန့်အသတ်နဲ့သာ ရှိပေမဲ့ လက်ရှိအပူလှိုင်းကြောင့် ဆိုင်တွေမှာ လူသူ ခြောက်ကပ်နေပါတယ်။
အပူလှိုင်းက မကြာခင် မိုဟန်ဂျိုဒါရိုမြို့နဲ့ ပတ်ဝန်းကျင်ကနေ ဆုတ်ခွာသွားဖို့ မျှော်လင့်ထားပေမဲ့ ဆင်းဒ်ပြည်နယ်နဲ့ ပါကစ္စတန်ရဲ့ အကြီးဆုံးမြို့ ကရာချိတို့ကို နောက်တချီ အပူလှိုင်းဖြတ်ဖို့ မျှော်လင့်ထားပါတယ်။
အာရှတလွှား အရင်လက အစွန်းရောက် အပူချိန်ဟာ လူကြောင့်ဖြစ်တဲ့ ရာသီဥတု ပြောင်းလဲမှုရဲ့ ရလဒ်ဖြစ်နိုင်ချေ အများဆုံးပဲလို့ နိုင်ငံတကာ သိပ္ပံပညာရှင်အဖွဲ့တဖွဲ့က ပြောခဲ့ပါတယ်။
Source/Photo-REUTERS/Akhtar Soomro
