မန်စီးတီးဂိုးသမား အီဒါဆန်ဟာ အသင်းရဲ့ချန်ပီယံဖြစ်ရေး အဆုံးအဖြတ်ပွဲစဉ် ၂ ပွဲကို လွဲချော် မယ်လို့သိရပါတယ်။
အီဒါဆန်ဟာ စပါးအသင်းကို ၂ ဂိုး ဂိုးမရှိနဲ့ အနိုင်ရတဲ့ပွဲစဉ်မှာ စပါးနောက်ခံလူ ရိုမဲရိုးနဲ့ ထိခိုက်မိပြီး မျက်လုံးမှာဒဏ်ရာရရှိခဲ့တာပါ။
အီဒါဆန်ကို နည်းပြဂွါဒီယိုလာက လူစားလဲခဲ့ပြီးနောက်မှာ အီဒါဆန်ဘက်က မကျေမနပ် အမူအယာပြသခဲ့လို့ နှစ်ဦးအကြားဆက်ဆံရေးတင်းမာခဲ့ပါသေးတယ်။
ဒဏ်ရာသက်သာလာခြင်းမရှိသေးတာကြောင့် ဝက်စ်ဟမ်းနဲ့ လိဂ်နောက်ဆုံးပွဲစဉ်ကို လွဲချော်မှာ ဖြစ်သလို မန်ယူအသင်းနဲ့ အက်ဖ်အေဖလားဗိုလ်လုပွဲစဉ်ကိုလည်း ပါဝင်နိုင်မှာမဟုတ်ဘူးလို့ သိရ ပါတယ်။
မန်စီးတီးအနေနဲ့ ချန်ပီယံဖြစ်ရေးအဆုံးအဖြတ်ပွဲစဉ်ဖြစ်တဲ့ ဝက်စ်ဟမ်းနဲ့ပွဲမှာ အရန်ဂိုးသမား အိုတေဂါကိုပဲ ပွဲထွက်ခွင့်ပေးသွားမှာပါ။ ဂျာမန်ဂိုးသမားဟာ စပါးကိုအနိုင်ရတဲ့ပွဲမှာ လူစား ဝင်ကစားခဲ့ပြီး လက်စွမ်းပြ ကစားနိုင်ခဲ့သူဖြစ်ပါတယ်။
Photo - Reuter
