ချဲလ်ဆီးရလဒ်ကောင်းမွန်နေမှုအပေါ် အံ့အားသင့်စရာမရှိဟု နည်းပြ ပိုချက်တီနိုပြော
DVB
·
May 16, 2024
ချဲလ်ဆီးအသင်းရဲ့ ရလဒ်တွေ ကောင်းမွန်နေမှုအပေါ် အံ့အားသင့်စရာမရှိကြောင်း နည်းပြ ပိုချက်တီနိုက ပြောသွားပါတယ်။
ချဲလ်ဆီးအသင်းဟာ မနေ့ညက ကစားခဲ့တဲ့ ဘရိုက်တန်နဲ့ပွဲစဉ်မှာ ၂ ဂိုး ၁ ဂိုးနဲ့ နိုင်ပွဲ ဆက်လက်ရယူနိုင်ခဲ့ပြီး နောက်ဆုံးပရီးမီးယားလိဂ် ၄ ပွဲဆက်တိုက် နိုင်ပွဲရယူနိုင်ခဲ့တာပါ။
အသင်းရဲ့စွမ်းဆောင်ရည်က ရာသီအစကတည်းက ကောင်းမွန်ခဲ့တာဖြစ်ပြီး လက်ရှိအချိန်မှာတော့ ခြေစွမ်းသာမက ရလဒ်ပိုင်းပါ ကောင်းမွန်လာတာဖြစ်ကြောင်း နည်းပြ ပိုချက်တီနိုက ပြောပါတယ်။
လူတွေက အသင်းရဲ့ ရလဒ်ပိုင်းတွေကိုပဲ ကြည့်ပြီး ဝေဖန်ကြတာဖြစ်လို့ ရာသီအစပိုင်းက မေးခွန်းထုတ်ခံခဲ့ရတာဖြစ်ကြောင်း ပိုချက်တီနိုက ပြောပါတယ်။
ချဲလ်ဆီးဟာ နောက်ဆုံးပွဲစဉ်မှာ သရေတမှတ်ရရှိရုံနဲ့ ယူရိုပါလိဂ်ဝင်ခွင့်ရဖို့ မျှော်မှန်းနိုင်မှာ ဖြစ်ပါတယ်။
Photo-Reuters
