စပိန်ကမ်းခြေစောင့်တပ်ဖွဲ့ဝင်တွေဟာ မေ ၁၃ ရက် တနင်္လာနေ့မှာ ဂရန်းကနေရီယာကျွန်းမှ ထွက်ခွာခဲ့လာတဲ့ ရွှေ့ပြောင်းနေထိုင်သူ အယောက် ၁၇၀ ကို ကယ်ဆယ်ခဲ့ပြီး သေဆုံးသွားသူ တဦးရဲ့ ရုပ်အလောင်းကိုလည်း ဆယ်ယူခဲ့ကြောင်း ကြက်ခြေနီအဖွဲ့က ပြောကြားပါတယ်။

အမျိုးသား ၁၄၀၊ အမျိုးသမီး ၂၃ ဦးနဲ့ ကလေး ၇ ဦး ပါဝင်ကြတဲ့ ရွှေ့ပြောင်းနေထိုင်သူတွေကို စပိန်ကယ်ဆယ်ရေးသင်္ဘောတစီးနဲ့ အာဂင်းနဂင်းဆိပ်ကမ်းကို ခေါ်ဆောင်လာခဲ့ပြီး ကြက်ခြေနီဝန်ထမ်းတွေက စောင်တွေပေးအပ်နေတာကို ဗီဒီယိုဖိုင်မှာ ပြသခဲ့ပါတယ်။

ဗီဒီယိုထဲမှာ ကြက်ခြေနီလုပ်သားတွေက ထမ်းစင်ပေါ်တင်ထားတဲ့ အဖြူရောင် အလောင်းထည့်အိတ်ကို သယ်ဆောင်လာတာကိုလည်း မြင်တွေ့ရပါတယ်။

အခုနှစ် ပထမ ၄ လအတွင်း စပိန်နိုင်ငံကို လှေနဲ့ရောက်ရှိလာတဲ့ ရွှေ့ပြောင်းနေထိုင်သူ အရေအတွက်ဟာ လွန်ခဲ့တဲ့နှစ် ကာလတူထက် ၁၉,၈၈၇ ဦးအထိ မြင့်တက်လာခဲ့ကြောင်း ပြည်ထဲရေးဝန်ကြီးဌာနရဲ့ အချက်အလက်တွေအရ သိရပါတယ်။

Source/Photo-Reuters