အိန္ဒိယထိပ်တန်းတရားရုံးဟာ အကျင့်ပျက်ခြစားမှု စွပ်စွဲချက်နဲ့ စွပ်စွဲခံနေရတဲ့ ဒေလီပြည်နယ် ဝန်ကြီးချုပ် အာဗင်းဒ် ကက်ဂျ်ရီဝါလ် ကို မေ ၁၀ ရက်က ယာယီအာမခံပေးခဲ့ပြီး လက်ရှိ အထွေထွေရွေးကောက်ပွဲမှာ မဲဆွယ်စည်းရုံးခွင့်ပြုလိုက်ကာ သူ အဓိက ခေါင်းဆောင် တဦး ဖြစ်နေတဲ့ အတိုက်အခံ မဟာမိတ်အဖွဲ့ကို မြှင့်တင်ပေးလိုက်ပါတယ်။
“နှုတ်မိန့်ပေးမှုအရ မစ္စတာ အာဗင်းဒ် ကက်ဂျ်ရီဝါလ်ကို ယာယီလွှတ်ပေးဖို့ အာမခံ ပေးထား ကြောင်း ဗဟိုတရားရုံးက ညွှန်ကြားခဲ့ပြီး ကြားဖြတ်လွှတ်တော်အမိန့်ကို ရွေးကောက်ပွဲ လုပ်ငန်းစဉ်အတွင်း ဇွန် ၂ ရက်အထိ ဆောင်ရွက်နိုင်မှာဖြစ်တယ်”လို့ အတိုက်အခံ အမ်အာဒ်မီ ပါတီခေါင်းဆောင်လဲဖြစ်တဲ့ ဒေလီပြည်နယ်ဝန်ကြီးချုပ် အာဗင်းဒ် ကက်ဂျ်ရီဝါလ်ရဲ့ ကိုယ်စားပြု တရားရုံးချုပ်ရှေ့နေ ရှာဒန် ဖှာရာဆတ် က ပြောပါတယ်။
ရက်ပေါင်း ၂၀ ကျော်လောက် အပြင်မှာ ရှိနေချိန်မှာလည်း သူ့ရဲ့မဲဆွယ်စည်းရုံးရေးမှာ ဘာကန့်သတ်ချက်မှ မရှိဘူး လို့လည်း ဆိုပါတယ်။
ယာယီအာမခံဟာ အဆင့် ၇ ဆင့်နဲ့ မဲပေးရတဲ့ နောက်ဆုံးနေ့ဖြစ်တဲ့ ဇွန် ၁ ရက်အထိ ကြာမြင့်မှာဖြစ်ပြီး ကက်ဂျ်ရီဝါလ်ဟာ ဇွန် ၂ ရက်မှာ လာအဖမ်းခံရမှာ ဖြစ်ပါတယ်။
မြို့တော်နယ်မြေရဲ့ ယစ်မျိုးမူဝါဒနဲ့ ပတ်သက်တဲ့ အဂတိလိုက်စားမှု စွပ်စွဲချက်တွေနဲ့ ဆက်စပ်ပြီး အိန္ဒိယဘဏ္ဍာရေးဆိုင်ရာ မှုခင်းတိုက်ဖျက်ရေး အေဂျင်စီက ကက်ဂျ်ရီဝါလ် ကို မတ် ၂၁ ရက်က ဖမ်းဆီးခဲ့တာပါ။
ကက်ဂျ်ရီဝါလ်ရဲ့ အစိုးရနဲ့ သူ့ရဲ့ အမ်အာဒ်မီ ပါတီတို့က အကျင့်ပျက်ခြစားမှု စွပ်စွဲချက်တွေကို ငြင်းဆိုထားပါတယ်။
စုံစမ်းစစ်ဆေးရေး အေဂျင်စီတွေဟာ သူတို့ရဲ့ တာဝန်ကိုသာ လုပ်ဆောင်ကြတာဖြစ်ပြီး အစိုးရက သူတို့ကို သြဇာလွှမ်းမိုးခြင်း မရှိဘူး လို့ ဝန်ကြီးချုပ် နာရင်ဒြာ မိုဒီ နဲ့ အာဏာရ ဘီဂျေပီ ပါတီတို့က ပြောပါတယ်။
Source/Photo - Reuters
