TikTok ပိုင်ရှင် တရုတ်ကုမ္ပဏီ ByteDance က အမေရိကန်မှာ အပိတ်ခံရမယ့် အခြေအနေကို ဥပဒေကြောင်းအရ နည်းလမ်းစုံသုံးပြီး ရင်ဆိုင်လို့မှမရရင် ရှယ်ယာတွေ ရောင်းချမယ့်အစား အပိတ်ခံသွားမှာဖြစ်တယ်လို့ ရိုက်တာသတင်းက ဖော်ပြပါတယ်။
TikTok လည်ပတ်ဖို့ မှီခိုရတဲ့ အယ်လ်ဂိုရစ်သမ် လုပ်နည်းစနစ်ဟာ ByteDance ရဲ့ အရပ်ရပ်လုပ်ငန်း လည်ပတ်မှုအတွက် အဓိကကျတယ်လို့ ဆိုပါတယ်။
အဲဒါကြောင့် TikTok ကို ရောင်းလိုက်ရင် ဒီလုပ်နည်းစနစ် အယ်လ်ဂိုရစ်သမ်ကိုပါ ပေးရမှာဖြစ်တဲ့အတွက် ByteDance က အပိတ်ခံမယ့်လမ်းကို ရွေးမှာလို့ သတင်းရင်းမြစ် ၄ ခုကို ကိုးကားပြီး ရိုက်တာက ဖော်ပြပါတယ်။
တကယ်တမ်းမှာ TikTok ဟာ ByteDance ဝင်ငွေအတွက် အဓိကမဟုတ်တဲ့အတွက် အမေရိကန်ကုမ္ပဏီတခုကို ရောင်းစားမယ့်အစား အမေရိကန်မှာ အပိတ်ခံမယ့်လမ်းကိုသာ ရွေးမယ်လို့ ဆိုပါတယ်။
အမေရိကန်လွှတ်တော်က အတည်ပြုလိုက်တဲ့ ဥပဒေအရ ByteDance ကုမ္ပဏီဟာ TikTok က သူ့ရှယ်ယာတွေကို ၉ လအတွင်း မရောင်းရင် အမေရိကန်မှာ ပိတ်ပင်ခံရမှာဖြစ်ပါတယ်။
Source/Photo-Reuters
