ဗင်နီဇွဲလားသမ္မတ နီကိုလပ်စ်မာဒူရိုက အီကွေဒေါနိုင်ငံထဲက ဗင်နီဇွဲလား အစိုးရသံရုံးနဲ့ ကောင်စစ်ဝန်ရုံး နှစ်ခုကို ပိတ်ပစ်ဖို့ အမိန့်ထုတ်ခဲ့တယ်လို့ ဗင်နီဇွဲလားနိုင်ငံ ပြန်ကြားရေးဝန်ကြီးဌာနက ဧပြီ ၁၆ ရက်မှာ ပြောပါတယ်။
အီကွေဒေါအစိုးရက ဒုသမ္မတဟောင်း ဟိုဟေး ဂလက်စ်ကို မက်ဆီကိုသံရုံးထဲ ဝင်ရောက်စီးနင်းပြီး ဖမ်းဆီးထိန်းသိမ်းခဲ့တာကို ကန့်ကွက်တဲ့အနေနဲ့ ခုလို အမိန့်ထုတ်ခဲ့တာပါ။
အီကွေဒေါရဲတပ်ဖွဲ့က အကျင့်ပျက်ခြစားမှုနဲ့ နှစ်ကြိမ် ပြစ်ဒဏ်ချမှတ်ခံခဲ့ရတဲ့ ဂလက်စ်ကို ဧပြီ ၅ ရက်မှာ ဖမ်းဆီးခဲ့ပါတယ်။
ဒီဇင်ဘာလကတည်းက မက္ကဆီကိုသံရုံးမှာ ခိုလှုံနေခဲ့တဲ့ ဂလက်စ်ကို သံရုံးထဲ ဝင်ရောက်စီးနင်း ဖမ်းဆီး ဖယ်ရှားခဲ့တာပါ။
ဒီဖမ်းဆီးမှုကြောင့် ဂလက်စ်ကို နိုင်ငံရေးခိုလှုံခွင့် ကမ်းလှမ်းထားတဲ့ မက္ကဆီကိုနိုင်ငံနဲ့ အီကွေဒေါ နိုင်ငံကြား သံတမန် ဆက်ဆံရေးကို ရပ်ဆိုင်းဖို့ လှုံ့ဆော်သလို ဖြစ်ခဲ့ပါတယ်။
Source/Photo - Miraflores Palace handout/Reuters
