မကွေးတိုင်း၊ မြိုင်မြို့နယ်မှာ ဒီနေ့ ဧပြီ ၇ ရက်နေ့ မနက်ပိုင်းက စစ်ကောင်စီစစ်ကြောင်းကို မိုင်းဆွဲတိုက်ခိုက်ခဲ့လို့ စစ်ကောင်စီတပ်သား ၄ ဦး သေဆုံးတယ်လို့ Ghost of Enemies (GOE) တပ်ဖွဲ့ဆီကနေ သိရပါတယ်။

Ghost of Enemies (GOE) ရဲ့ ပြောဆိုခွင့်ရှိသူတယောက်က “ဒီနေ့မနက် ၇ နာရီခွဲလောက် မြိုင်ကနေ စက်မှု ၂ ဘက်ကို ဦးတည်ထွက်လာတဲ့ စကစ စစ်ခွေးအင်အား ၆၀ လောက်ပါတဲ့ စစ်ကြောင်းကို ဝါးရုံဆည်နားအရောက်မှာ အဆင်သင့်ထောင်ထားတဲ့မိုင်းနဲ့ မိုင်းခွဲတိုက်ခိုက်လိုက်တာ။ ၄ ကောင်က နေရာမှာတင် ဂန့်ပြီး ဒဏ်ရာရတဲ့ကောင်တွေလည်း မနည်းဘူးပဲဗျ” လို့ ဒီဗွီဘီကိုပြောပါတယ်။

စစ်ကောင်စီစစ်ကြောင်းဟာ တိုက်ခိုက်ခံရတဲ့နေရာမှာရပ်နားနေပြီး စစ်ကောင်စီတပ်သားတချို့က သေဆုံးသူတွေနဲ့ ထိခိုက်ဒဏ်ရာရသူတွေကို မြိုင်မြို့ကို ပြန်လည်သယ်ဆောင်သွားကြတယ်လို့ အမည်မဖော်လိုတဲ့ ဒေသခံတယောက်ဆီကနေ သိရပါတယ်။

တိုက်ခိုက်မှုမှာ ပါဝင်ခဲ့တဲ့ GOE ရဲဘော်တယောက်ကလည်း “ဒီကောင်တွေ‌ေ-ာက်ကျင့်က အဲဒါပဲဗျ။ မိုင်းခွဲတိုက်ခိုက်ခံရတဲ့နေရာမှာ ကျန်နေတဲ့ကောင်တွေက လမ်းဘေးလူမနေတဲ့ တဲအိမ်တွေကို လိုက်ပြီး မီးရှို့ဖျက်ဆီးနေတယ်” လို့ ပြောပါတယ်။

မိုင်းဆွဲတိုက်ခိုက်ခဲ့ကြတဲ့ Ghost of Enemies (GOE) တပ်ဖွဲ့၀င်တွေကတော့ အထိအခိုက်မရှိပြန်လည်ဆုတ်ခွာလာနိုင်ခဲ့တယ်လို့ ပါ၀င်ဆောင်ရွက်ခဲ့သူတွေဆီက သိရပါတယ်။