စစ်ကိုင်းတိုင်းမှာ လေပြင်းတိုက်ခတ်တဲ့အတွက် ချင်းပြည်ကာကွယ်ရေးတပ်-ကလေး၊ ကဘော်၊ ဂန့်ဂေါ(CDF-KKG) တပ်ရင်း ၄ ရဲ့ အဆောက်အဦတွေ ပျက်စီးခဲ့တယ်လို့ CDF-KKG က ဧပြီ ၃ ရက်မှာ ထုတ်ပြန်ပါတယ်။
ကလေးမြို့နယ်မှာ မတ် ၃၁ ရက် ညနေ ၃ နာရီမှာတကြိမ်၊ ည ၉ နာရီမှာ ၁ ကြိမ် လေပြင်းတိုက်ခတ်ခဲ့တဲ့အတွက် အဆောက်အဦတွေ ပျက်စီးခဲ့တာပါ။
CDF-KKG တပ်ရင်း ၄ ရဲ့ ရဲဘော်တန်းလျား ၃ ခု၊ ရိက္ခာသိမ်းဆည်းခန်းနဲ့ စတိုတို့ လေပြင်းကြောင့် ပျက်စီးခဲ့တယ်လို့ သိရပါတယ်။
CDF-KKG ပြန်ကြားရေးတာဝန်ခံက “လေတိုက်တာက တော်တော်လေးပြင်းခဲ့တာကို ငါးတဲလောက် ပျက်စီးသွားတယ်။ အဆောက်အဦတွေကိုလည်း တတ်နိုင်တဲ့ဘက်က အလှူခံပြီး ပြန်ဆောက်ဖို့ ကြိုးစားနေပါတယ်။ လောလောဆယ် မိုးကလည်း မရွာတော့ တဲပြင်ပြီးတဲ့အထိ ရဲဘော်တွေက အပြင်မှာပဲ အဆင်ပြေသလိုနေနေရတယ်” လို့ ပြောပါတယ်။
ပျက်စီးသွားတဲ့ အဆောက်အဦးတွေ ပြန်လည်တည်ဆောက်ဖို့အတွက် အရေးပေါ်အကူအညီတွေ လိုအပ်နေတယ်လို့ CDF-KKG တာဝန်ရှိသူက ပြောပါတယ်။
