ချန်ပီယံဆုအတွက် ကိုယ့်ကံကြမ္မာကိုယ် ဖန်တီးခွင့်မရှိတော့ဟု ဘာနာဒိုဆေးလ်ဗား ပြော
DVB
·
April 1, 2024
မန်စီးတီးအသင်းအနေနဲ့ ပရီးမီးယားလိဂ်ချန်ပီယံဆုအတွက် ကိုယ့်ကံကြမ္မာကို ကိုယ်တိုင်ဖန်တီးခွင့် မရှိတော့ကြောင်း ကွင်းလယ်လူ ဘာနာဒိုဆေးလ်ဗားက ပြောသွားပါတယ်။
မနေ့ညက ကစားခဲ့တဲ့ အာဆင်နယ်နဲ့ အိမ်ကွင်းပွဲစဉ်မှာ ဂိုးမရှိ သရေကျခဲ့တဲ့ မန်စီးတီးအသင်းဟာ ထိပ်ဆုံးက လီဗာပူးနဲ့ ၃ မှတ်၊ ဒုတိယနေရာက အာဆင်နယ်နဲ့ ၁ မှတ် အသီးသီး ကွာဟသွားခဲ့တာပါ။
ချန်ပီယံဆုအတွက် ဘာမဆိုဖြစ်နိုင်ပေမဲ့လည်း ကိုယ့်ကံကြမ္မာကို ကိုယ်တိုင်ဖန်တီးခွင့်တော့ မရှိတော့ဘဲ လီဗာပူးနဲ့ အာဆင်နယ်အသင်းတို့ အမှတ်လျော့ဖို့သာ မျှော်လင့်ရတော့မှာဖြစ်ကြောင်း ဘာနာဒိုဆေးလ်ဗားက ပြောပါတယ်။
အာဆင်နယ်အသင်းဟာ အရင်နှစ်တွေကထက် အတွေ့အကြုံပိုရှိလာတဲ့အသင်း ဖြစ်လို့ ကစားရ ခက်ခဲခဲ့ကြောင်းလည်း ဘာနာဒိုဆေးလ်ဗားက ပြောသွားပါတယ်။
Photo-Reuters
