မက္ကဆီကိုနိုင်ငံတောင်ပိုင်း ကမ်းရိုးတန်းမှာ သင်္ဘောတစင်း နစ်မြုပ်သွားပြီးတဲ့နောက် တရုတ်နိုင်ငံကနေ ရွှေ့ပြောင်းနေထိုင်သူ ၈ ဦးကို မတ် ၂၉ ရက်က သေဆုံးလျက်သား တွေ့ခဲ့တယ်လို့ အောက်ကာဆာပြည်နယ် အစိုးရရှေ့နေရုံးက မတ် ၃၀ ရက်မှာ သတင်းထုတ်ပြန်ခဲ့ပါတယ်။ 

မတ် ၂၈ ရက်မှာ ချီယာပတ်စ် ပြည်နယ်၊ တာပါချူလာကနေ ထွက်လာတဲ့သင်္ဘောပေါ်မှာ လိုက်ပါလာတဲ့ တရုတ်အမျိုးသမီး ၇ ဦးနဲ့ အမျိုးသား ၁ ဦးရဲ့ အလောင်းတွေကို အောက်ကာဆာ ပြည်နယ် တောင်ပိုင်း အစ်ထ်မိုဒေ တေဟွမ်တေပက်မှာရှိတဲ့ ဗီစန်တေ ကမ်းခြေမှာ တွေ့ခဲ့တာပါ။ 

သူတို့ဟာ မက္ကဆီကိုနိုင်ငံသား ခရီးသွားလမ်းညွှန်နဲ့အတူ ထွက်လာခဲ့တာလို့ အစိုးရ ရှေ့နေရုံးရဲ့ ထုတ်ပြန်ချက်ထဲမှာ ဖော်ပြထားပါတယ်။ 

သင်္ဘောနစ်လို့ ရွှေ့ပြောင်းနေထိုင်သူ ၁ ဦးသာ အသက်ရှင် ကျန်ရစ်ခဲ့တယ်လို့ ထုတ်ပြန်ချက်ထဲမှာ ဖော်ပြထားပါတယ်။ သေဆုံးသူတွေ ဘယ်သူဘယ်ဝါ ဆိုတာကိုတော့ မဖော်ထုတ်ရသေးပါဘူး။ အာဏာပိုင်တွေက မက္ကဆီကိုနိုင်ငံထဲက တရုတ်သံရုံးနဲ့ ပူးပေါင်းဆောင်ရွက်နေပါတယ်။

Source/Photo-Reuters