ချဲလ်ဆီးအသင်း တချိန်မှာ ပရီးမီးယားလိဂ်ချန်ပီယံဖြစ်လိမ့်မည်ဟု နည်းပြပိုချက်တီနိုပြော
DVB
·
March 31, 2024
ချဲလ်ဆီးအသင်းဟာ တချိန်မှာ ပရီးမီးယားလိဂ်ချန်ပီယံဖြစ်လာလိမ့်မယ်လို့ နည်းပြပိုချက်တီနိုက ပြောသွားပါတယ်။
ချဲလ်ဆီးအသင်းကို တာဝန်ယူနေတာဟာ ချန်ပီယံဆုရယူနိုင်ဖို့အတွက်ဖြစ်ပြီး လက်ရှိအချိန် မရနိုင်သေးပေမဲ့ တချိန်မှာတော့ ဆုဖလားရယူနိုင်လိမ့်မယ်လို့ ပိုချက်တီနိုက ပြောပါတယ်။
သူ့ရဲ့ လက်ထက်မှာ ပရီးမီးယားလိဂ်ချန်ပီယံမဖြစ်ခဲ့ရင်လည်း နောက်ထပ်ဆက်ခံမယ့် နည်းပြအဖွဲ့က ချဲလ်ဆီးအသင်းကို ချန်ပီယံဖြစ်ဖို့ ကူညီပေးလိမ့်မယ်လို့ ပိုချက်တီနိုက ပြောပါတယ်။
ချဲလ်ဆီးအသင်းဟာ မနေ့ညက ကစားခဲ့တဲ့ ဘန်လေအသင်းနဲ့ ပွဲစဉ်မှာ တယောက်အသာနဲ့ ယှဉ်ပြိုင်ကစားခဲ့ရပေမဲ့ အိမ်ကွင်းမှာ ၂ ဂိုးစီသရေရလဒ်နဲ့သာ ကျေနပ်ခဲ့ရပါတယ်။
ဒီပွဲရလဒ်ကြောင့် ပွဲစဉ် ၂၈ အပြီးမှာ ချဲလ်ဆီးအသင်းက အဆင့် ၁၁ နေရာမှာ ပဲရပ်တည်နေပါတယ်။
Photo-Reuters/Andrew Boyers
