မြန်မာ-ထိုင်းနယ်စပ်၊ တာ့ခ်ခရိုင်၊ တာဆောင်ယမ်းမြို့နယ် သောင်ရင်းမြစ်ကမ်းစပ်မှာ ယာယီခိုလှုံနေတဲ့ ကရင်စစ်ဘေးရှောင် အယောက် ၇၀ လောက်ကို မတ် ၂၇ ရက်မှာ ထိုင်းအာဏာပိုင်တွေက မြန်မာနိုင်ငံဘက် ပြန်ပို့လိုက်ပါတယ်။
အဆိုပါ စစ်ရှောင်ဒုက္ခသည်တွေထဲမှာ သက်ကြီးရွယ်အိုတွေ၊ ကလေးငယ်တွေ၊ အမျိုးသမီးတွေ ပါဝင်ပြီး ကရင်ပြည်နယ်မှာရှိတဲ့ သူတို့နေထိုင်ရာရွာတွေမှာ တိုက်ပွဲတွေ မဖြစ်သေးခင် ထွက်ပြေးတိမ်းရှောင်တဲ့သူတွေ ဖြစ်ကြပါတယ်။
တာဆောင်ယမ်းမြို့ သောင်ရင်းမြစ်ဘေးကမ်းစပ်၊ မဲ့လောရွာ အမှတ် ၃ ရပ်ကွက်မှာ ကရင်ဒုက္ခသည်တွေ ယာယီခိုလှုံနေချိန် မြို့ပိုင်ဦးဆောင်ပြီး ဌာနဆိုင်ရာတာဝန်ရှိသူတွေက ဒေသတွင်းတိုက်ပွဲမဖြစ်သေးတဲ့အကြောင်း ရှင်းပြကာ မြန်မာပြည်ဘက်ကို ပြန်လွှတ် ပေးလိုက်တာပါ။
တိုက်ပွဲတွေဖြစ်လာခဲ့ရင်တော့ ထိုင်းနယ်စပ်မှာ သတ်မှတ်ထားတဲ့ ယာယီ စစ်ရှောင်တွေထားတဲ့ နေရာကိုတော့ စီစဉ်ပြင်ဆင်တယ်လို့လည်း ထိုင်းအာဏာပိုင်တွေက ပြောပါတယ်။
