လုပ်ခအများဆုံးရသည့် နည်းပြစာရင်းတွင် တီကိုနည်းပြ ဆီမြွန်နီက ထိပ်ဆုံးမှရပ်တည်
DVB
·
March 26, 2024
ဥရောပရဲ့လုပ်ခအများဆုံး နည်းပြတွေစာရင်းမှာ အက်သလက်တီကိုနည်းပြ ဒီယေဂိုဆီမြွန်နီက ထိပ်ဆုံး နေရာမှာ ရပ်တည်နေပါတယ်။
ပြင်သစ်သတင်းစာL’Equipe ရဲ့ ဖော်ပြချက်အရ တီကိုနည်းပြဟာ တလကို လုပ်ခပေါင် ၂ဒသမ ၄၂ သန်းရရှိနေပြီး ဒုတိယနေရာက ဂွါဒီယိုလာထက် နှစ်ဆနီးပါး လုပ်ခပိုရနေတာ ဖြစ်ပါတယ်။
မန်စီးတီးနည်းပြဂွါဒီယိုလာက တလကို ပေါင် ၁ ဒသမ ၆၆ သန်းရရှိနေပြီး ယာဂန်ကလော့ပ်က တလကို ပေါင် ၁ ဒသမ ၂၅သန်းနဲ့ တတိယနေရာမှာ ရပ်တည်နေပါတယ်။
ဒါ့အပြင် ဂျူဗင်တပ်နည်းပြအယ်လီဂရီက တလကို ပေါင် ၉၂၀၀၀၀ ၊ ချဲလ်ဆီးနည်းပြပိုချက်တီနိုက တလကို ပေါင် ၈သိန်းကျော် အသီးသီးရရှိနေကြတာပါ။
အဲဒီနောက်မှာ ဘိုင်ယန်နည်းပြတူဟယ်၊ ပီအက်စ်ဂျီနည်းပြ အင်းနရစ်နဲ့ ရီးယဲလ်နည်းပြအန်စလော့တီတို့က အစဉ်လိုက်ရပ်တည်ပါတယ်။
Photo-Reuters
