နည်းပြအလွန်ဆို ထွက်ခွာမည်ဆိုပါက နားလည်ပေးနိုင်ကြောင်း လီဗာကူဆင်ဂိုးသမားပြော
DVB
·
March 23, 2024
နည်းပြအလွန်ဆိုအနေနဲ့ အသင်းကနေ ထွက်ခွာမယ်ဆိုရင် နားလည်ပေးနိုင်ကြောင်း လီဗာကူဆင် ဂိုးသမား ဟရာဒက်စ်ကီးက ပြောသွားပါတယ်။
အလွန်ဆိုကိုခေါ်ယူဖို့ ဘိုင်ယန်မြူးနစ်နဲ့ လီဗာပူးအသင်းတို့က ကြိုးပမ်းနေပြီး အလွန်ဆိုအနေနဲ့ ရာသီကုန်ဆုံးချိန်မှာ ဆုံးဖြတ်ချက်ချဖို့ ရှိပါတယ်။
လီဗာကူဆင် ဂိုးသမားဖြစ်သူ ဟရာဒက်စ်ကီးကတော့ အလွန်ဆိုအသင်းမှာ ဆက်ရှိနေမယ်ဆိုရင် ပျော်ရွှင်ကျေနပ်ရမှာဖြစ်ပေမဲ့လည်း ဘွန်ဒက်စ်လီဂါချန်ပီယံဆုဖလား ရယူပြီးနောက် တခြားအသင်းတသင်းဆီ ပြောင်းရွှေ့မယ်ဆိုရင်လည်း အသင်းသားအားလုံးက စိတ်ဆိုး ဒေါသထွက်မှာမဟုတ်ဘဲ နားလည်ပေးနိုင်ကြောင်း ပြောပါတယ်။
နည်းပြအလွန်ဆိုဟာ ဘောလုံးကို ချစ်မြတ်နိုးတဲ့ လူကြီးလူကောင်းတဦးဖြစ်ပြီး အနာဂတ် အတွက် ဘယ်လိုဆုံးဖြတ်မလဲဆိုတာကို ကောင်းမွန်စွာ ချမှတ်နိုင်သူဖြစ်တယ်လို့လည်း ဂိုးသမား ဟရာဒက်စ်ကီးက ပြောသွားပါတယ်။
Photo-Reuters
