အိန္ဒိယနိုင်ငံဟာ လွှတ်တော်အသစ်တရပ်အတွက် ဧပြီ ၁၉ ရက်ကစပြီး အဆင့်ဆင့် ရွေးချယ် မဲပေးတော့မယ်လို့ ရွေးကောက်ပွဲအာဏာပိုင်တွေက မတ် ၁၆ ရက်မှာ သတင်း ထုတ်ပြန်ပါတယ်။ 

အိန္ဒိယနိုင်ငံအတွင်း မဲပေးပိုင်ခွင့်ရှိသူ ၁ ဘီလီယံနီးပါးရှိနေလို့ ကမ္ဘာ့အကြီးဆုံး ရွေးကောက်ပွဲ ဖြစ်လာမှာပါ။ ရွေးကောက်ပွဲအတွင်း သက်တမ်း ၂ ဆက် တာဝန်ထမ်းဆောင်ခဲ့တဲ့ အင်အားကြီး ၀န်ကြီးချုပ် နရင်ဒြာမိုဒီနဲ့ သူ့ရဲ့ ဒေသတွင်း မဟာမိတ်တွေဟာ အတိုက်အခံ ပါတီ ၂ ဒါဇင်တို့နဲ့ အကြိတ်အနယ် ယှဉ်ပြိုင်ကြမှာပါ။

စစ်တမ်းတွေက မိုဒီရဲ့ ဟိန္ဒူ အမျိုးသားရေး ဝါဒီပါတီ ဘာရာတီယာ ဂျန်နာတာပါတီ (BJP) က သက်သောင့်သက်သာ အနိုင်ရမယ်လို့ အကြံပြုထားပါတယ်။ 

မိုဒီဟာ INDIA လို့ အတိုကောက်ခေါ်တဲ့ အိန္ဒိယ အမျိုးသား ဖွံ့ဖြိုး တိုးတက်ရေး အားလုံးပါဝင်တဲ့ မဟာမိတ်အဖွဲ့ လို့ ခေါ်တဲ့ အဓိကအတိုက်အခံကွန်ဂရက်ပါတီက ဦးဆောင်တဲ့ အတိုက်အခံပါတီ ၂ ဒါဇင်ပါတဲ့ မဟာမိတ်အဖွဲ့က စိန်ခေါ်တာကို ခံနေရပါတယ်။ 

နိုင်ငံရေးပါတီပေါင်း ၂၄၀၀ ပါဝင်ယှဉ်ပြိုင်မယ့် ကြီးမားလှတဲ့ ရွေးကောက်ပွဲအတွက် မဲရုံ ၁ သန်းကျော်မှာ မဲပေးဖို့ လူဦးရေ သန်း ၉၇၀ နီးပါး မှတ်ပုံတင်ထားပါတယ်. 

Source/Photo-Reuters